兒童慶祝會@幼稚園

最開心就係學校開PARTY喇～～
預祝聽日6月1號既兒童節WOO
做小朋友真係十分幸福～成日都有得玩有得食
係學校玩咁少應該未玩得夠本既。。。
等MAMI再帶你地玩多個ROUND啦
食飽左就約埋星星＋細佬同星媽去冒險樂園
祖祖一去到就好興奮喇，係咁叫“媽～我要我要”
好耐無上黎，原來呢到多左個細既波波池WOO
不過而家係到玩一D都唔抵呀，而且仲無以前咁好玩
都唔知點解好多野都變晒，但住部都變差左咁
波波池應該真係一個好大既池加好多波波同滑梯
而家得返3分1既地方係有波～其他都係玩具、同檯
小朋友係屋企都可以玩既野點解要係呢到又遇到？！
下次等MAMI得閒先帶你地去搵一個大波波池先玩啦

今日我地碌BOWLING啦
星星同豬米燑今日好FRIEND呀～
少D人既時候小燑都玩得特別乖

旁邊八卦既祖祖豬又走黎搞事啦
“我要～我要波波～”HAHA。。。

之後MAMI同祖B去左最愛既擲RAINBOW
每次同你地2個玩都會擲中獎品咖
登登～今日都有中左一隻大公仔
本身都唔想要，但話晒都係祖B第一次中獎
好啦，就帶埋你返屋企啦～

體育會PLAYGROUP＠8

時間過我真係快～完成左8堂PLAYGROUP了
隨心比祖B玩下開心下既課堂
諗唔到會學到咁多野呀，好開心
MAMI一直都擔心12月出世既細B祖返學既問題
咁當然今年考唔到可以下一年既
但係想MAMI舒服D就當然係明年開始讀書好啦
UMM～其實結果係點都無所謂既～順其自然
上左咁多堂，起碼祖仔明白左咩係“返學”
知道“等待”係咩，要排隊！
雖然仲會扭下計～但MAMI一話“等一陣”都識STOP
今日仲發現原來祖祖都有留心記住老師唱既歌仔
第一次聽到祖B跟住唱“抹手歌”，好叻仔呀
因為今堂係呢期最後一堂～老師批准媽咪影相

呢個就係老師喇，主題係生日，所以會有生日帽
祖B第一個走出去想拎呀，HAHA

比老師叫左返埋位，仲扮笑TIM～

好野，有茶點食，但係祖B一向唔愛蛋糕
所以無食到～MAMI幫口食左落肚囉

仲有個個小朋友都勁愛既“吹泡泡”呀
呼～～～吹呀吹呀吹呀。。。。。

捉呀捉呀捉～捉唔到仲發脾氣呀～

大家都好興奮係到跟住MS LAU四圍走
最攰就係D媽媽，有一PART要抱住佢地玩

睇下阿祖仔，HAHA個樣咁蠢既？？！！

隔離白衫個個係祖B既朋友仔HEI HEI～
唔知下年會唔會一齊返幼稚園呢？？

決定左都會KEEP住同祖祖係到上堂
劉老師都知道祖祖特別鐘意聽音樂拍手
所以叫MAMI報多一個關於唱歌跳舞既堂去玩
好啦，辛苦少少行多一日啦
而且因為祖B可以轉去高一班上堂，時間就改左
以後逄星期三都唔可以接家姐放學喇
希望小燑家姐唔好又呷醋啦

醫生遠離我

早一排小燑學校既手足口病小風波仲未完
自從有左你地之後MAMI對醫學常識好有研究
HAHA，真係十足十半個醫生咁
成日都要上網SEARCH下D病症、點預防、、、
接放學既時候老師竟然懷疑小燑有手足口病
哇。。。真係嚇到MAMI一額汗囉
下午要去搵返DR CHAN檢查下先得
細佬可能知道我地想襯佢訓左覺出街嗎？
今日點都唔願訓覺，到4點唯有帶埋祖B一齊出去

一去到就掛住玩～屋企張檯又唔見你坐？

你地2個摸過既野MAMI都會消毒紙巾抹下
萬一真係都唔會傳播細菌嘛～

好彩唔算好多人係到等，只係等左半個鐘
平時DR CHAN無2個鐘唔洗諗住走啦
每逄要檢查個咀小燑都會好爭扎、又喊又叫
都唔知驚咩！！！搞到3個人一齊制服你～
呼。。。。DR CHAN真係好細心！
有驚無險。。。無事呀～嚇死人囉
唔想傳染人嘛，梗係CHECK 清楚先返學啦
睇完醫生無事就一齊去食個下午茶先
咁岩澄澄都睇完醫生約埋我地去食野
2個唔見一日就好似好掛住對方咁，HAHA
但一見到唔夠一陣又會鬧交呢～
當然小朋友好快就無事啦，又變返好朋友
祖B一玩夠食飽又知道準備返屋企。。。。
出左茶餐廳就訓左了，呢個衰豬！！！

話劇班第2期＠小舞台演藝中心

上一期既話劇班完左了～之後問左小燑幾次都決定繼續
因為真係可以訓練下小朋友既自信心
可惜既係老師轉左唔係“BB姐姐”，而係“露比姐姐”
原本可以升班參加演出，但最後覺得小燑仲係好難控制
一句講晒即係太活躍～同好講心情去做野
“BB姐姐”就話想佢讀多一期PRE STAR班先升去會好D
都無所謂丫，最緊要係適合個小朋友嘛
而且MAMI唔係一心想你學完去表演的
只係想小燑玩得開心，又可以大膽D去同人相處
多D同人接觸都係一件好事啦

放左學同同學仔一齊去食LUNCH
小燑之前既舊同學，而家唔同一班了～HI，LUCY
以前2個一上堂就比老師投訴把口唔停又坐唔定
分開左上堂唔知有無進步呢？HAHA

所以呢～係無壓力既情況下玩下學下
真係一個唔錯既選擇
何況我既小燑豬真係好鐘意WOO～

K1E的觀課日@小燑

終於，都等到做左MAMI後人生第一個“觀課日”
真係心情特別超級緊張呀
MAMI仲特登買定套新衫去睇小燑上堂
哈哈，其實可能係自己一心想搵個藉口買衫囉
早幾日開始每日都有家長去觀課
豬米燑放學返黎都有講起，仲問MAMI有無去
傻豬，如果有去到你就一定見到我啦啦！！
一直忍住唔講比小燑知打算比個驚喜佢。。。HAHA
果然一去到課室門口望到小燑坐係地到搵MAMI呀
呢個古怪既小朋友見到MAMI之後就偷偷笑一下就扮無野
MAMI同幾個同學仔既媽媽一齊坐係後面靜靜睇
發現小燑真係唔多比反應的
仲連好多識唱既歌、字、答問題都好少舉手的
好快就過左45分鐘了～點知差不多到茶點時間
我地淨落黎既15分鐘就係陪小朋友去洗手！
小燑終於係洗完手之後跑過黎攬住MAMI呀～
今日發現小燑真係大個女～係一個K1既小朋友了
真係滿懷安慰呢。。。。。唔識形容既感動
聽唔到你地入課室唱茶點歌就夠鐘離開LU。。。可惜呀

幾快就放學了，一放學我地4個媽咪就帶你地去玩喇
有星星啦、澄澄啦、仲有熊貓～HAHA
當然唔少得大家既細佬都去啦，除左熊貓既妹妹太細未玩得
所以我地一行4個大人加7個小朋友囉

好朋友星星，小燑偷學左人地既招牌POSE
坐車去屯門公園玩呀～先去食D野先

呢位小兄弟影相幾有型呢～HAHA
好百厭呀祖祖～無時停，又坐唔定

小燑呢個樣真係好似MAMI呀
除左你唔知點解黑D，同笑得甜D又可愛D
有咁多細佬仔食野都特別耐～
我地食左個幾鐘先食得完。。。暈呀
馬上出發去公園啦～

祖米好細個既時候都成日黎咖～
呢幾個月真係無咩時間帶你地去玩
而且又成日都輪住唔舒服囉

幾開心，只要一塊小小既草地就夠你地玩好耐啦
MAMI好忙咁四圍走，幫你地影相同噴蚊怕水

本來叫小燑一齊影，可能佢驚啦。。
後尾就話唔想坐到CROCODILE整到佢痛就走開左LU
得返熊貓一個坐～HELLO！！！！
你地真係有玩唔完既精力～我地大人就真係投降吧
快D走呀，MAMI好想返屋企沖涼呢

CHECK POINT@MAY 2013

MAMI好比心機咁每日TUM小燑食野
進展得唔錯丫，好似肥左少少少少少～YEAH
另外而家開始每晚幫小燑“通”下個鼻D淋巴
好似真係WORK呀，呢個星期無聽到起身打嘿嚏

祖祖開始認得好多事同物
今日我地去到SALON又知道係剪頭髮既
之後望到人地掛住D風筒又摸住個頭要“FU”
塊面仔愈來愈尖呀～唉。。。擔心死MAMI
個個MAMI都想小朋友食得玩得又訓得！
偏偏小燑同祖B都係愈大愈唔食的
2個都唔似BAPA同MAMI咁高
UMM～ANYWAYZ。。最緊要健康快樂就好喇

黑雨下的生日會

小雨滴嗒滴～小雨滴嗒滴
小雨滴嗒滴嗒滴嗒滴。。。。
呢隻歌仔係小燑近排一落雨就會唱的
尋晚成晚都比雨聲嘈到訓唔好
心入面都有哼起呢首歌～然後諗起你個傻樣就好笑
MAMI同小燑、祖祖都心有靈犀知道今日唔洗返學
明明聽到鬧鐘響都唔願起身既MAMI
到左8點幾先望下個電話～OH，真係“假期”呀
黑雨，大家都唔洗返學LU
連祖B都休息一天～HAHA
小燑本身想著雨衣水鞋落街玩水的
不過婆婆話太危險所以唔比我地落去
落左一日雨。。。反而MAMI今日好FREE
唔洗帶住2個小寶寶四圍行
黃昏時候仲同BAPA出去雨中漫步一下
買好野之後仲可以有少少時間撐枱腳
UMM～MAMI真係好耐好耐無試過自己食一碗麵了
仲有唔洗一邊食一邊照顧小燑同祖祖
哇，好舒服呢～不過又好掛住你地呀
未開始食就諗緊：陣間買咩返去比2個寶貝呢？
唔知你地訓醒未呢？有無扭計呢？。。。。。
係囉。。。。真係奇怪！見到又煩，唔見一陣又掛～
其實MAMI同BAPA係去買蛋糕呢，因為公公生日呀
婆婆就一早係到準備晚餐～
簡簡單單，大家一齊切個蛋糕
祝公公身體健康！！！開心快樂
做人就係咁。。。細個晚願望可能係要玩具、要旅行
或者要中六合彩？想自己靚D？瘦D？
哈哈。。。。應該好多人都諗過吧。。。
大左先發現最珍貴既就係﹣健康快樂

恐佈既一天

真係嚇到MAMI差D暈呀！！！！！
屋企有一個小小既魚缸，入面養左唔同既魚同龍蝦
丫，諗起呢個魚缸係BAPA同MAMI拍拖時一齊買咖
養過好多魚～後來多左小燑同祖B後都無時間再養
今次再放出黎一直都覺得佢好似好多危險存在
因為祖B會伸手入去捉D魚啦～又會扯D電線
豬米燑又會學阿YUI用張紙放入水到比隻蝦夾住玩
得閒無野做2個又係到拍個魚缸。。。真係睇少眼都唔得
然後公公好似迷上左佢地，換左一個大缸放高左
依然好似好危險咁
但係最恐佈既事並唔係個魚缸～
而係豬米燑竟然偷飲左公公買黎倒入水既消毒劑
話明消毒。。。。仲飲。。。唉
到底有無飲真係一個謎～但確實好驚囉
小燑無啦啦話：MAMI，我好驚呀～飲左呢D野呀
OH MY GOD。。。。。即刻跑入廁所沖下個咀
然後一邊就鬧小燑～一邊好驚
到底有無真係飲左呀。。。。？？？問左幾十次
小燑飲左一大杯水～邊喊邊飲加MAMI邊鬧
“死啦，你飲毒藥，陣間好痛就死喇”
講完喊得梗慘。。。。再飲水＋食野
終於都無事，MAMI就問豬米燑有咩想同我講呀？
以為小燑會話“SORRY，以後唔會亂食野喇”
點知換來一句“MAMI生日快樂呀！”
下？！！！WHY？？？？
之後小燑又喊住話“我驚死左無得講生日快樂呀”
傻瓜～你真係差D嚇死我地了
MAMI真係唔可以無左你地咖，咪咁曳啦
總算有驚無險
我愛你＠2013

佛誕@黃大仙飲茶小聚

噢，都好耐無出去探下BAPA既公公同婆婆了
上一次母親節本來約左一齊BBQ最後落雨無出去
咁岩BAPA又得閒，咁我地就出去飲茶啦
點解小燑一唔夠訓就會暈車浪呢？？
坐西鐵都會嘔，我地落車坐左好耐先上得返車
最後都係暈下暈下咁樣捱到去黃大仙了
呢2個小朋友真係～一個會暈，一個成日訓
不過呢排MAMI都唔夠訓，坐底先開始頭暈
HAHA，真係無鬼用啦～
飲完茶本來都想返屋企休息
點知太婆想去行街？！！咁我地梗係要陪下佢啦
仲有龍表叔車我地一齊去！仲有“女麻”“女麻”
點知。。。。豬米燑梗係一上車又暈啦
好彩無嘔，又安全到左又一城
一落車面都青埋。。。。MAMI諗起小燑飲茶無食野
原來呢個傻瓜好肚餓呀！！
自己差不多食晒成個烏冬～祖米都食左少少
龍表叔一早應承左同小燑去TOYSRUS買禮物
而且同小朋友行街都必定要行個圈既，HAHA
祖B真係大個仔WOO，識得揀想要既野
然後“女麻”“女麻”買左一人一份禮物
小燑就仲多左一份表叔送既LEGO呢
2個玩到唔記得時間。。
點知一去坐車返屋企就訓左了
連BAPA都訓埋一份囉。。。。。。
MAMI唯有抱住祖B～再攬住小燑訓啦
早知今日會行咁耐街就推BB車啦
MAMI條腰＋手都要宣佈：斷了～

淨係係人地鋪頭門口都玩左半個鐘，HAHA
坐係呢張梳化係咁要MAMI幫你影相

小燑個樣本身幾唔精神～一有得玩就開心返
小朋友真係“玩”最緊要呢

呢條時光隧道係祖B想要的～拎左上手就唔放
因為返PLAYGROUP時候有玩過嘛～
仲有加埋家姐個玩具。。。又比婆婆話阻地方囉
不過婆婆見到佢地玩得咁開心又忘記左LU
所以有小朋友既地方真係特別多歡樂的
大家都好愛你地呀～要乖乖呀

小燑的巨鴨

畫下畫下，原來小燑都畫左一年半有多了
一直都好鐘意上IVY老師既畫畫堂
MAMI都仲KEEP住只係比你學半小時
因為始終一個鐘頭對坐唔定既你黎講太長了
不過IVY老師話其實都可以開始試下1個鐘
好啦，咁暑假先同你轉啦～
而且一黎又要就返揍埋個祖祖B呢
太長時間真係坐到我地呆左咖。。。
早幾日我地出唔到去尖沙咀睇隻巨DUCK
點知原來個晚隻DUCK漏氣無得睇了

不過唔緊要啦～小燑話佢畫左一隻比MAMI睇
HAHA，都幾靚呀～
細佬一見到就大叫：靚靚～DUCK

好耐無見呀表哥仔

呢2個小朋友自小開始都KEEP住影下合照
唔知點解佢地都幾似樣～HAHA
無見幾個月呀，好似大個左好多呢
祖祖B都識行識走LU～
表哥仔斯斯文文的，跟住祖豬四圍跑
又走入去人地鋪頭門口教表哥仔跳舞TIM呀
真係頂你唔順。。。
3個小朋友玩到滿頭大汗又依依不捨咁
送表哥上車都係閘口玩左半個鐘先走
咁耐無見又真係特別興奮既
第時多D一齊去街囉～

購物狂祖米

難得阿YUI放假無野做～我地去飲茶呀
祖米近日心情煩躁，成日都突然好扭計的。。。
一眼訓就喊同叫，肚餓又唔食野要飲奶
唉。。。試下同你飲茶睇下無唔會有咩岩食啦
點知全部都唔要、唔食、唔飲！！！HELP～
又要阿YUI抱住行出行入四圍去睇野
最後買左2個玩具～
又要阿婆買糖
又拉左MAMI去買野飲～暈呀。。。。。。。

燑豬都算幾乖。。。不過都唔肯食野
可能病得耐啦～又食藥又訓得唔好
2日都無返學了，要好好咁休息下先得
本身都想飲完茶同阿YUI一齊去尖沙咀行下
點知。。2個都扭計呀。。。唉
想去街既話真係要你地抖足精神呢～

MOTHER“S DAY＋阿YUI生日

又到左所有MAMI一齊慶祝既日子喇
撞岩又係阿YUI既生日，真係特別開心呀
其實MAMI真心覺得每日都好開心、好滿足
唔需要等到母親節先感受到你地既愛呢
豬米燑星期五放學一返到屋企已經送上心意了
學校準備左一份小禮物比大家返屋企送比媽媽
小燑一返屋企掉低書包就搵禮物出黎
然後就攬一下MAMI講：媽媽我愛你！母親節快樂
仲加香吻一大個，哇。。。甜到漏呢
今日又唱左一首學校新教既歌仔比MAMI聽
“我要媽媽愛、我要爸爸愛！我會乖乖乖乖親親你”
平時既辛苦同周身骨痛都突然消失了
BAPA仲去左買蛋糕返黎一齊慶祝

哈哈，祖米一見到就偷食啦
但係大家都無阻止呢個百厭星仲一齊影相？！
家姐當然唔執輸即刻都黎玩埋一份

完成喇，呢個DIY蛋糕～好WARM呀
咁豐富既蛋糕真係睇見都飽啦，HAHA

婆婆～阿YUI～祖米&豬米燑
祝大家都笑口常開～身體健康呀
MAMI好愛你地呀

新SOFA

哎喔～成日都為左一張SOFA爭到死
最後BAPA都投降了，買多一張返屋企～
上星期訂既，終於今日都有得拎了，YEAH
MAMI自從多左你地2個之後愈來愈大隻
真係可以算得上：黑＋大力＝MAMI
經常都曬。。又左一袋右2袋抱一個拖一個
有時行行下望到鏡入面既自己真係幾似聖誕樹的
今日同祖B接小燑放學後竟然決定再去拎SOFA
HAHA，真係又重又熱。。。由頭濕到落腳囉

之但係一返屋企見到你地坐得咁開心都抵返啦
原來2張唔一樣款既野都會有少少爭執
不過好彩家姐又肯讓細佬
細佬又肯比家姐坐
抵錫，要相親相愛呀嘛～HAHA

體育會PLAYGROUP＠5

隔左一個星期無上堂，以為祖米會扭計呢
老師上一堂都一早交帶大家要早15分鐘去到玩一陣
等小朋友一齊係到培養感情先，同記返上堂既地方
估唔到祖米一入去課室就走去開老師部收音機～
可能知道有歌聽可以跳舞啦！HAHA
原來個個BB既記性都幾好，無咩特別扭計既情況
祖祖真係好鐘意聽歌跳舞呢
咁岩劉老師話準備暑假會開多班跳舞班
比18個月以上既BB參加～YEAH
問左老師，佢話祖祖可以試下，因為知佢都鐘意
應該都會跟到既話，咁當然就去玩下啦
而且就快要開始準備INTERVIEW幼稚園LU
唉。。係呀。。。又要有好多野煩
好彩既係家姐讀緊就少左一個煩惱去搵學校
不過劉老師話：應該要比佢地先去試幾間先再去IN想讀個間
仲有記得幫小朋友著得斯文少少但唔好太隆重
咁緊張祖米都係因為你係12月仲要尾出世囉
唔緊要啦，今年唔得就下年做大哥哥讀書LA！
MAMI心諗梗係早D好，可以同家姐一齊返學嘛
講講下MAMI都唔記得左INTERVIEW要準備D咩
RELAX。。。RELAX。。。。。

招待客人

平時多數都有同學仔黎屋企玩
今日呢，就約左MAMI既朋友仔帶埋阿女黎玩
首先我地去左買D野食先返屋企啦
因為帶住你地2個百厭星同第一次見既人食飯都無得停
小燑又怕羞實會扭來扭去。。。。
為免麻煩就一齊返屋企食啦，仲可以一邊玩一邊食
買完野食排隊既時候小燑主動拖住晴晴姐姐呀
真係出奇地快就做左好朋友啦，HAHA
晴晴姐姐係個好斯文既小朋友～又會陪祖B玩
所以祖B都好主動不停叫“姐”。。。要人地同佢打波
連食野都好似乖左，一齊坐定定係到食飽先玩
原來晴晴姐姐怕高咖？！！！所以字打過“千秋”
但係我地屋企既“千秋”好矮既就岩喇，可以試下玩
小朋友都係驚唔敢試～慢慢就OK啦
豬米燑仲係旁邊安慰住叫“唔洗驚呀～細佬都唔怕咖”
MAMI仲同小燑一齊串左一條鍊送比晴晴TIM呀
下次再一齊玩丫，MAMI一張相都唔記得幫你地影
哈哈。。。。下次補返呀
暑假應該大把時間去玩啦？！！！YEAH

又見面喇～

HAHA,祖B自從學左呢個扮可愛笑容之後就變左咁
每次一拎起相機就會自然咁“YI”。。。
 又係陪家姐去學話劇，唔經唔覺仲有一堂就完
係時候諗下仲繼唔繼續係到返學呢？？
要開始同小燑商量下先得！
放左學又約左肥DO媽食LUNCH
為左方便呢2個小朋友我地食野都無咩選擇了
好開心呀，因為你地就快多個契爺啦
終於都有機會可以等祖B同小燑做下花仔花女
哈哈，而且MAMI想左好耐可以做“姐妹”嘛
真係好感動。。。好似仲開心過自已結婚咁呀
可能要開始努力減少少肥先得呢？？？！！
食飽飽又行左一陣街～想買條裙比小燑
MAMI揀既裙多數都係可愛D既
所以今次肥DO媽幫豬米燑揀左一條似公主既裙
UMM～～都OK啦，著左希望會自然斯文D囉

影寫真呀？！

我地今日約左阿YUI去影相
近近地又有好大地方比一班小朋友玩。。。
哎喲。。。又係去左錦上路既跳蚤市場囉
係呀，又去左呢到呀！！！
小燑一落車就已經問：又係去呢到呀？
還以為呢個小朋友覺的悶啦！誰不知佢話：好開心呀
祖米一出閘先認得，一落地就自己走左去玩了
好似真係認得路咁樣WOO，即刻去左“撈魚仔”個到啦
約埋澄澄同大頭BB～幾個小朋友又玩到傻左啦
然後幫BAPA買左一架古老玩具車
點知開左之後見到太爛。。。。所以要換
咁呢D古董邊有得換呢？唯有換左一大堆小古董
哈哈。。。一架車變3架車加一個西瓜波
祖米真係一個熱愛買波既怪人！！

就係澄澄手上呢個西瓜波喇。。。。哈哈
玩到幾個小朋友滿頭大汗～好可愛呢～
阿YUI幫你地影既相唔知幾時先有得睇呢？？！

呢到就係其中一D既舊玩具啦
其實都幾好玩～不過都有少少生銹了。。
MAMI細個都無玩過既鐵皮玩具呀
仲有一枝小口琴，好大陣鐵同木既味道
小燑話要MAMI教佢吹～等你大個少少先啦

參加喜宴～

丫，諗諗下BAPA好似成日都去飲？！！
終於今次帶埋我地囉～HAHA

祖米都係第一次去飲呀！所以好興奮
一去到見到咁多野食同蛋糕，2個都好開心啦
唉。。。。呢個小燑真係次次見到人都超COOL
雖然MAMI教唔好亂同陌生人傾計，但見過咁多次都驚
每次見到人都要攬住MAMI同BAPA隻腳
連同人地影張相都驚到喊既？？！！HELP
有時你都好大膽咖？！係咪想激下MAMI？？
最怕你連望都唔望一眼。。。同人講野望天花板
唔知以為小燑你咁COOL。。。澈死呀
祖祖都好怕羞。。真係怕到個頭都貼住MAMI個心口
不過祖祖都係專登玩野！！因為睇到佢會偷笑
睇到人地結婚都真係好感慨咁，哈哈
同BAPA結左婚都唔係好耐，但好似無咩記憶咁
自從生左2隻百厭星之後真係無咩記性
所以好多野都會突然間忘記左
過左一段時間又會全部記得返呀！
所以寫低佢，無聊時拎出黎回憶一下都唔錯
THAT“S WHY MAMI要寫呢個BLOG
怕第時唔記得左你地既趣事、曳事
當然仲有你地既第一次啦
唔知到幾時你地會繼續幫MAMI寫呢個BLOG呢？

勞動節目＠大大家庭日

是日休息～細佬唔洗PALYGROUP
家姐學校放假，連中文班都係假期，正呀～
MAMI真係全日都唔需要趕時間囉
本來都諗唔到去邊好，全屋人都無街去
婆婆突然話想帶2個乖孫去玩下WOO，當然好啦
咁岩，公公同舅公都話去～阿YUI又得閒
我地123456789。。。10，GOGOGO
呢個情景真係好令人懷念。。。
應該除左飲茶食飯都無試過咁多人行街
假期行唔到商場，近近地又去跳蚤市場玩下
最開心就係小燑同祖祖B，真係大豐收呀
大家都分別買左最少一份禮物比佢地嘛，HAHA
又有得玩、有得食～仲有咁多野帶走
而且我的祖祖仲好有心咁送左條手鍊比MAMI
婆婆話呢個衰豬行過人地鋪頭搵到條鍊就拎走
一路行一路叫“UM 媽”。。。聽到都感動啦
多謝你呀，祖米～真係好開心呀！！！
後尾MAMI再路經呢個姨姨鋪頭佢見到我手上既鍊
都話“係咪你個BB送咖？佢岩岩一黎就拎走話比媽咪”
開心死MAMI咩？？！！！
BAPA即刻唔執輸都送返件衫比MAMI，梗係都好開心啦
行左唔係好耐就好肚餓。。搵野食先
點知呢到附近既小餐廳都話“賣晒喇～無野食”
2間都無？原來佢地準備既食物唔會好多，真係唔浪費呀
不過我地就無得醫肚。。。要坐車出返去食飯LU
仲諗住食飽可以踩單車TIM，出左去又唔想返轉頭。。。
唔緊要啦，其實一早約左星期六再去玩的
唯有下次先踩啦。。。。。而且你地都好攰了～