HEY～我地又見面喇

呼，忙碌既一天

不經不覺今日係第6堂PLAYGROUP 了
比起之前2堂今日終於好少少，加油呀BB
一見到JACKO 老師就大喊，要走既時候又要GOODBYE KISS
哈哈，一時一樣
尋晚訓覺之前小燑話聽日想食燒賣同蛋
MAMI 唔會唔記得既
買2串燒賣同2包菊花茶去MONKEY E到坐下先
順便要買埋生祖BB要用既什物
好期待又緊張呢
然後BAPA 就同我地一齊去睇祖祖了
哇......今日係第32WEEKS
BB已經有2.3 KG 了，醫生話會比上一次可能會大少少
個頭仔有35 WEEKS 啦，仲有肚腩都34WEEKS 了
聽到既一刻真係驚～即刻問醫生會唔會好痛咖？
UMM，MAMI 仲懷疑預產期計錯左？哈哈
諗都無謂，就順其自然啦！！！

丫，呢個豬米燑愈來愈古惑
朝早我鬧你話燑燑已經唔再係BB了，係小朋友
要乖乖，做姐姐呢～～
食LUNCH 既時候叫你一聲BB你竟然問MAMI
“咩我仲係BB咩？我係小朋友WOO“
OKOK，你岩WOO
食DINNER又要叫公公餵一啖，BAPA 餵一啖
又要問人有無吹凍D，又話都係自己食，激死人
你乖乖食飯先會快高長大嘛！
想你食多D野真係頭痕呀

濕地公園一天遊

出發去濕地公園了，我地一家約埋RITA EE一屋人再加豬MAN EE
2011年的第一個秋季旅行
食早餐時遇到阻滯，延誤左我地既出發時間......
成團人都係第一次去既地方，安全到達了!
去到公園岩岩正午～哇!!!熱死了！好彩有室內既地方遊盪一陣
睇下魚～仲有CRoCODILE，MAMI 話愈行愈眼訓？？都差不多3點
食個超級豐富既TEA就開始﹣親親大自然！HAHA

咁多年，MAMI都係第一次咁近見到CROCODILE ”貝貝“呀！
唔知點解小燑今日好懶行路呢，次次唔推車你就要全程抱住？？作對嗎？
總算安慰，BB燑仲會話MAMI 好辛苦喇，BAPA 抱啦。
豬米燑對D昆蟲最有興趣但MAMI 就好怕了！！！
BAPA 好有心機咁陪小燑欣賞風景～實在難得
呢到實在太大了，有好多地方都只係隨便行一行
下次有機會一定要再帶豬米燑黎玩多一次

而且連小燑最想睇既BUTTERFLY 都未行到去
還有MAMI 想係草地上面滾一滾呢可以的話訓一覺應該會好RELAX吧！
UMM～～只限秋天，我諗我地全家咁怕熱既人夏天黎一定會暈呀!
5點就要走了，因為天都開始黑，住係入面既BIRDS 都要訓？？
TUNG TUNG BB ﹠ 小燑都訓著左了，做BB真幸福，話訓就訓！
然後我地食飯.....再食甜品......肚都脹晒!
雖然累到不似人型，但感覺很舒服呢：）
閒時散散步，都幾精神呢～
人都開心D

倒數60天：）

開始涼了，很舒服呢
特別我地呢D大肚MAMI，夏天真辛苦呀
而且小燑著冬天既衫又好可愛WOO！哈哈
呢D天氣岩晒最愛毛毛既小燑啦！！！

WOHO～還有60天，“祖”BB就出世了
咁岩今日要去醫院檢查，一切正常！只是MAMI 血糖高左少少少少。
我地就等你慢慢準備來到呢個溫暖的家吧
好緊張呀，雖然MAMI 都已經唔係第一次做MAMI
但都會怕的！尤其是感受過生BB的痛之後，怎能忘記呢
祖祖BB出世既野都執得七七八八了，仲差MAMI入醫院既未買
下個月就要開始洗衫～曬床鋪～煲奶樽～洗BB車～
呼.....有排忙呢.....

終於都比我等到有影樓相既PACKAGE 賣了
今次一定要影到MAMI 既大肚腩呀！！！哈哈
就睇下BAPA 幾時得閒帶我地去影靚相啦
小燑咁大個女都只係影過一次做記念
今次會行會跳了，應該會容易影D啦
好掛住燑燑的BB年代呢........

下雨天的青蛙

落雨同小燑出街真係特別艱苦，加埋肚入面的祖BB
MAMI真係差D命都無，HAHA
到底咩原因小燑近來上堂會咁扭計呢？？？
之前既進展都OK的，但呢2個星期都控制唔到你喊
但每次你落堂都會好開心咁抱住幅畫比MAMI 睇
就算上PLAYGROUP 都一樣放學就唔捨得走？？
真係上堂前﹣﹣﹣上堂後，奇怪的小燑！！
問小燑係咪唔鐘意畫畫喇？？
你又係咁搖頭話鐘意畫畫，好好玩既
問你係咪驚？你又話唔係
UMM。。。小朋友既心情真難理解
老師同你地畫FROG！好MATCH 今日既天氣
既然咁開心，下次唔好再做喊包喇

迎冬

HAPPY SUNDAY又到喇，BAPA 陪我地行街
一連幾日都玩到DIN 左，近近地今日去屯門啦
到站之後，小燑一見到推雪糕車既伯伯就大叫了
“MAMI，你可唔可以請我食ICE﹣CREAM 呢？我無咳咳呀!”
無問題啦，你聽話就可以了！
而家既小燑要求愈來愈多，我....想著裙，想食包包，想飲COKE
MAMI我想去波波池～想返學～想聽歌先訓～想去公園～想釣魚.....
想。。。你真的很多“想”！
去食野又自己叫野飲，成日叫”唔該LEMON TEA 丫“
仲懶乖話MAMI 最鐘意LEMON TEA！HAHA，係呀,唔該燑燑
然後.....見到一對好靚既毛毛BOOT 呀
BAPA 話送比你呢，咁過年就有新鞋喇
再比MAMI 見到條好襯你對新鞋既褲仔呢！！點可以唔買呢

今年新年MAMI 要被困係屋企啦，計計下原來祖BB係新年出世
屋企應該會好熱鬧啦，到時可能好多人黎探我地嗎？？？
明天公公就會由台灣回家了，我地又開始過返D煮婦生活
小燑竟然叫MAMI 加油加油加油油？！！！
OK～我會喇～

BAPA “S 朋友聚

BAPA幫MONKEY E接波仔放學，MAMI 帶小燑邊食早餐等佢地
哇哇哇.......差D暈低呢～原來要同時照顧兩隻百厭鬼真係唔簡單
波仔加豬米燑真的是奪命雙B，HAHA
奔波了一個早上既我地，一返屋企就要訓一覺補充體力先
6點鐘出發去接BAPA 食DINNER！
心急既小燑等唔切，係要出門口了
MAMI 唯有帶你去行一陣等SNAIL BAPA 啦
UMM，小燑呢個大鄉里未去過深水埗，咁我地就行西九龍中心先
一入到去你就問MAMI 係咪同你玩波波池
好啦～就陪你玩一陣啦
第一次坐透明既升降機嗎？？傻瓜燑係到大叫，哈哈
好期待既波波池呢，連MAMI 都好開心
豬米燑玩完呢20分鐘之後第一句說話就係：MAMI，我好開心呀
BB，MAMI 都一樣好開心呢
真的等了很長既時間，BAPA 終於都黎到喇
買埋ICE CREAM 就出發去肥叔叔屋企啦
小燑食左好多烏冬，仲有偷飲左好多菊花茶
BAPA 食到個肚仲大過MAMI
謝謝肥叔叔又送了一大堆玩具比小燑
好開心呢，原來12點了.....
眼訓到矇矇下既BB燑連廁所都唔記得左去，WOOOO...濕晒～哈哈
5分鐘都唔洗就訓左了
SWEET DREAM 呀小燑：）

悠遊

很久沒試過既日子，唔需要趕返屋企，唔需要趕煮飯
今日可以同小燑BB去行街SHOPPING！！
公公去左台灣扮工幹～MAMI 可以放低個廚房幾日
我地先同RITA EE 食個TEA 先....同MAMI有少少爭執
不過好快就乖返DD，近來心情時起時落既MAMI～真的很難理解
之但係小燑豬都係百厭左少少既！
HEHE，MAMI 又忍唔住買左幾件新衫衫比小燑了
聽RITA EE講話下星期會變凍嘛

然後﹣去左買我同”祖祖B“ 既奶樽
當然唔少得小燑又順便要既玩具啦～
UMM，MAMI 話當聖誕GIFT？真的可以等一個月先拆嗎？？
本身一心陪RITA EE買衫既MAMI，竟然自己買左一套衫
BAPA 返屋企見到之後問點解會買塊美國旗著係身
車....。。。。都無TASTE 既
小燑而家愈來愈識TUM 個豬MAMI 了
”MAMI 你唔愛我喇？“
你想我抱你既時候就真係咩都講得出
不過MAMI 都無辦法唔理你，因為我真係好愛你嘛！！
食左個豐富既晚餐～再加一個飯后甜品
呢兩位MAMI可以滿足地回家了：）