特別的2月第29天

4年一次的二月二十九號﹣﹣小花婆婆舊曆生日

MAMI最愛的小花婆婆，生日快樂
因為阿祖未有回鄉CARD唯有遲下補返啦
祝小花身體健康，精精靈靈啦！
自從小花婆婆因為腳痛要返大陸住之後好耐先會見一次
每一次返去既時候都想陪多你1分鐘都好
好啦，我地暫時PLAN住EASTER 返去玩幾日吧
*＊＊＊＊＊＊＊＊＊＊＊＊＊＊＊＊＊＊＊＊
小燑出大牙加上感冒未清又發燒
今日要睇DR CHAN了。。。。
醜怪豬竟然要兩個姑娘加醫生同BAPA先攪掂？
你咁怕見醫生就請你平時乖乖著衫!
訓覺就唔好踢走張被，飲多D水
唉～祝早日康復啦

60DAYS喇喇喇～

2個月既阿祖～好似眨下眼咁快呢

其實都要好多精神去湊你咖！！！
細佬好纏身的，成日要抱住訓覺。手都軟
男仔比較嗲D嗎？特別鐘意人攬住你
家姐BB既時候自己訓咖～但大左就要人攬住訓
所以呢？？咪而家兩個一齊搶MAMI對手囉。
今日我地3個一齊試訓左一下“能量床”

呢張床真係唔識真定假
開左之後訓1個鐘就等於平時既4倍時間？
BAPA借返黎比我地試下咖，WORK既話都幾好
可能時間都多左好多WOO，第時訓3個鐘就夠了
！
岩晒BAPA用啦，佢24HRS都話唔夠用的
阿祖仔因為太細只可以訓1HR以內
小燑訓左2HRS，一起身竟然發燒？？？
而MAMI就灘左係上面一路都訓唔著
﹣﹣﹣如果個人本身唔舒服一訓係會發燒
OH。。。原來係咁！不過到左夜晚就真係退晒既
都幾神奇，HAHA！細佬只係訓左半個鐘無咩反應
唔知訓完會唔會後生D呢？KAKAKAKA
祝祖祖快高長大～健健康康

下個月MAMI買個CAKE比你食下啦～

I LOVE U 2！！！

FAMILY DAY＠飲茶

好耐無出去BAPA既故鄉飲茶喇～順便探下大家
太公都好掛住兩個乖孫就去黃大仙啦
小燑既暈車浪愈黎愈嚴重WOO？？點算呀？
以前好似坐的士先會唔舒服，而家任何車都唔得？
為左你我地千山萬水轉好多程車了～都唔得！！
有一個的士司機話：“小朋友咁應該去問下醫生”
UMM～都岩，可能耳水不平衡？？？還是唔夠訓？
好彩落車行一陣就會無事～
飲茶既時候都變返好精神啦
習慣成自然～真係GOOD GIRL！
飲完茶到2點小燑就自己訓左覺LU，HAHA
咁我地返屋企啦！況且同2個BB都行唔到街的

＊＊家姐D頭髮長到扎得起喇～不過好煩呢，成日除既!

＊＊細佬無咁醜了～因為睇慣左，HAHA！

兩個大喇叭

HELP真係要諗下辦法先得了
一個笑、一個喊！轉頭就調返轉兩個輪住攪亂
特別係訓覺時間WOO！？係咪專登咖？吓？

兩個跳皮鬼～哈哈，唔知好嬲定好笑了～
MAMI無覺好訓～一日到黑都要比你地轟炸我
嗚。。。。下次可能MAMI會喊埋一份
小燑近來好多野諗嗎？成日都發夢既？
加上食左幾日西藥，D汗流到唔停既！好誇張
由朝到晚都要用風筒吹乾個頭。。水都飲多好多
連續兩晚都半夜嚇醒要我拖住你、又話要訓MAMI枕頭
不停話自己個枕頭有好多BUTTERFLY
停藥之後食返兩粒保嬰丹，始於都發左一個好夢了
睇見小燑無啦啦笑醒左，HAHA
仲話見到WOODY同MAMI傾計
WOODY好細隻既，一齊傾下小燑燑WOO
哈哈，真的嗎？？？

矇豬眼

＊＊小燑成日笑阿祖對矇豬眼，仲開始扮細佬笑!
第日阿祖隻眼大返就扮返你轉頭呀～

＊＊愈黎愈得戚囉～

＊＊祖B隻手仔好細呀，而家MAMI拖住你
到你大個仔就要保護MAMI呢～
千其唔好嫌棄第時MAMI隻手老就得喇

＊＊最愛阿祖著呢件衫仔：）
好似一條毛毛蟲呢，哈哈

YUMMY ICE CREAM＠畫畫

突然覺得小燑大個左好多LU
今日上堂自己同BAPA著鞋出門口
仲同MAMI 講BYE BYE，會聽老師話畫畫喇
咁細佬就唔洗咁辛苦跟住出去又訓唔到覺
UMM～小燑今日畫ICE﹣CREAM
因為佢自己都鐘意食！所以？好乖囉
老師讚你好乖坐定定油顏色嘛
小朋友都係對自己鐘意既野先有與趣同耐性的
之不過咁樣就會成日得3分鐘熱度

MAMI就係想你有多D耐性～慢慢學下啦
一得閒就要彈琴比你聽下
等你覺得有心機想學，MAMI就自己教你彈啦
哈哈～希望可以教識你彈啦
唉。。就係MAMI細個太多心所以先學唔成囉
一時又拉下小提琴、一時又話吹下單簧管
轉頭見到又學下彈古箏，HAHA
攪到婆婆頭都暈呀，你地千其唔好學呀！！！
丫～一路以黎MAMI都好想學拉大提琴咖
可惜暫時都無時間去學LU
唔知小燑同阿祖會唔會有興趣呢？
第時仲可以教返MAMI呀

保身～保心

大特賣？？都唔知有幾抵。。婆婆買MAMI又買
買左好多「藥」黎調理一下
咩蟲草啦、靈芝啦、藍莓啦…

對大家都好既，就試下啦～何況小燑都食得嘛
又話祖BB食人奶都好D～小朋友又無咁容易病呢
MAMI健康先可以揍到你地兩個百厭星
加上BAPA又話眼矇？老喇老喇～補下啦！
試食3個月先囉！又唔貴！而且健康最緊要呀！
呢個星期既改造生活習慣進展順利！
小燑每日都係9：30前起到身，GOOD
2點就會自動眼訓﹣午睡一下
自然夜晚都係11點前訓到覺。唔洗做貓頭鷹啦
當然仲要梗加早啦。。。可以8點起身就最好
好似今日去公園～一叫就醒！講明10：30出發
BAPA今次陪埋我地又去左屯門公園玩

OFCOZ叫BAPA就難D囉，夜晚唔訓就唔願起身
豬米燑叫BAPA買船一齊放，哈哈！考慮中＊＊＊＊
撞岩有學校旅行，公園好多小朋友呢？
小朋友都有一隻“竹蜻蜓”，豬米燑望實人地玩
終於，有個姨姨送左一隻比你啦

上次黎到唔肯走，而家知道玩一陣就要返屋企喇
唔扭計乖乖既話MAMI就會多D帶你玩啦
應承左帶小燑去睇蟲下次就去睇啦。。。驚。。。
點解燑燑咁大膽唔怕昆蟲呢？？？

笑口祖：D

家姐見到細佬喊呀～就比奶咀佢食啦！！！！

就連平時唔食奶咀既祖B都乖乖食住唔喊！！
係咪好聽家姐話呢？？HAHA

！個頭愈來愈大？？？OMG。。。。！
你仲係矇豬眼～而家阿祖會開始同人傾計喇～
同你講UN GU UN GU你會笑的
MAMI同祖仔既感情愈來愈好了：）
開始知道祖B想要咩啦～想玩啦～鐘意沖涼玩拍水水
同聽MAMI講UN GU GU 祖囉

阿YUI E影到你個笑樣，I LOVE YOU ！！

二十份之一的機會@真光幼稚園

SO LUCKY！尋晚好早就訓左覺
起身當然無發脾氣啦，仲講GOOD MORNING
不過仲係十分眼訓！要去INTERVIEW 呀！GOGOGO
真係好似好緊張咁，因為超級多人呀
擔心小燑會扭計，又怕唔肯跟老師去做TEST
學校既環境都唔錯小燑自己就好鐘意喇
可能因為佢覺得鐘意既關係，竟然無喊？？
一個老師會帶一個小朋友入去問問題
至於問咩真係唔知道了，家長無得陪考的
不過係窗到望到小燑唔知維他奶係咩
肯定又話“我唔知道「PO」”
終於都真係考完晒喇，一切隨緣喇～
大家都鬆一口氣囉
阿婆都返左黎了，MAMI又可以輕鬆一D！呵呵
估唔到最掛住阿婆既係祖祖B？？？
梗係啦，得阿婆咁得閒抱實你訓覺既姐
呢隻衰豬聽到婆婆把聲就扭抱囉～
一攬住就訓咖喇，笑咪咪既咀加得戚的眼神
平時仲話你蠢豬？原來咁奸的，哈哈

大頭表弟1歲了

終於都1歲既表弟～HAHA！生日快樂
點解呢？因為呢個大頭仔由6個月開始就好似1歲了
而家真係1歲，又似人地3歲！WOO～好大隻

LALA～小燑親手整CARD 比大頭仔呀～WARM

謝，蛋糕上的玩具，最怕的姨丈送了一架給你

今日真係感謝小燑B既陪伴，非常多謝你
一向夜訓既曳BB，天光就起身陪MAMI去覆診
希望今次係最後啦～見到針都頭暈暈呀
坐西鐵已經話好唔舒服，再轉一程的士
哇.....落車就攬住MAMI隻腳嘔喇！好彩嘔完無事
MAMI估到你實嘔，行過買定暖既菊花茶比你飲
即刻精神返，辛苦小燑喇～
抽血1枝﹣﹣﹣2枝﹣﹣﹣3枝
好彩第四枝針有血出咋，唉。。。痛死
全靠豬米燑安慰MAMI囉
係房門口聽到MAMI大叫好痛就跑入黎
“MAMI唔洗驚，BB拖住你啦～唔怕既！乖！保護你呀”
攪到姑娘都笑：個女仲叻過你呢！
車～～如果第一針抽到點會咁痛姐。。。。
又“魚”晒啦隻手！可惡

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今天真是又歡喜又哀傷既一日。。。。
P.S～願姨公在天堂可以快樂地吹口琴吧