阿祖B～14MONTHS ALREADY！！

睇住小朋友既長大，用“唔經唔覺”去形容就最岩喇
唔經唔覺？祖就識行了。。。。。。
唔經唔覺原來祖祖識分享！！！！
再黎唔經唔覺，我的祖認得大家個樣同叫咩名了
UMM～～唔經唔覺既時候祖B識開DVD睇囉
真係唔經唔覺～最愛既祖B有MAMI半隻腳咁高
HAHA，唔經唔覺祖祖14個月人仔了
好快就上完左1個月既PLAYGROUP啦
之後就等1歲半先開始再去過啦
始終都係搵唔到D岩上既堂
其實係屋企真係好悶咖～
而且1個小朋友玩，無其他人陪係差DD既
家姐又忙WOO～所以得夜晚先可以陪祖祖
HAHA，小燑真係一個周身唔得閒既小朋友
得閒又話要揍D公仔BB，有時又話要畫畫
同親細佬玩都係唔夠10分鐘就話好悶？
咁都係既，祖祖唔多識講野丫嘛
最叻就係“熱呀”、“開門”。。。黎黎去去都係個D
但尋晚阿祖洗白白個時竟然跟住MAMI講“GU池”
HAHA～都開始學講野了～
可能平時聽到MAMI講洗洗個“GU池”先？

42MONTHS的小燑

哇，真係大個女喇，我既小燑
有時望住你地既背影真係好得意
諗下本身咁細細粒既野～變成一個BB
一個7磅多既小BB～慢慢長大到而家既小燑
雖然你仲係得96CM！HAHA
但都總覺得好神奇呀
MAMI同你既感情？？唔洗講啦～GOOD呀
至於你同細佬？！真係一日一日咁加多點愛
UMM～～幾時既小燑係最可愛？？
丫！間中係旁邊望住你同祖B玩既時候
小燑突然會好讚嘆阿祖新學會既事
好似上次祖祖B突然識扮DUCK DUCK
豬米燑呆左咁睇住細佬，哈哈
之後望見你面上既四萬笑容！！真係好溫暖呢
大聲叫MAMI快D睇下～祖祖扮DUCK呀
雖然有時會打交～有時又會爭玩具～
更加多時候會爭MAMI抱！
原來小燑都係關心細佬咖！真係好開心
有時行開一陣，呢個家姐仔都照顧到細佬咖
唔知點先係最好，但MAMI會盡力令你地都快樂
亦都唔知做得岩或者錯。。但一心都係想你地更好
希望小燑唔好覺得MAMI太惡啦，哈哈
I LOVE YOU

樂於助人

星期日都要一早起身其實都幾辛苦，HAHA
BAPA今日要開工，所以MAMI又要1拖2去街
唔想掉低祖祖B～又想親自送小燑去玩
係屋企慢慢食個早餐就出發LU
因為得MAMI一個人所以唔敢坐巴士出去
萬一中途小燑嘔真係唔知點算～
唯有坐西鐵再轉的士，等遲D再習慣下先
一去到就知道有得玩所以特別興奮
有1個鐘時間。。。同祖祖行下街睇下野
無無聊聊又買左碗同SPOON
當然係每人一隻啦，唔係又爭一餐
祖B真係一個好鐘意請人食野既小朋友
食緊咩都好，見到人地望下佢就會遞比人
學識SHARE真係好乖乖
接返小燑先～點知呢個家姐扭計要食燒賣
點知又激嬲左MAMI然後罰你無得食
一路行一路喊真係好可憐咁～
有時MAMI真係惡左少少，哎呀。。。。
心入面覺得好慘又想你真係知道錯要改
扭左一陣最終發現喊係無用既小燑話知自己唔岩了
最後梗係有買燒賣比我寶貝女食啦，HAHA
我地回程坐巴士，一邊食“桃哈多”，一邊唱歌
完全無唔舒服～安全落車
然後我地遇上一個失明人落錯車所以搵唔到路
見佢嘗試行出馬路幾次又返轉頭
街上面既人好似無人打算幫佢！！！！
MAMI就帶住祖祖同小燑一齊帶呢個叔叔去搵路啦
原來佢真係早左一個站落車所以唔知行去邊先岩
好彩小燑好合作拉住MAMI件衫跟住我地行
好勁呀，“咩”住細佬又拉住一個睇唔到野既叔叔
然後仲可以拖埋小燑，哈哈哈！
教小朋友最好就係親身示範～之後小燑都問MAMI
‘點解叔叔睇唔到野？點解佢唔識路？點解要帶佢行？’
。。。。。開頭小燑都有D驚咖，後尾先知叔叔睇唔到
咁～點解呢？？。。。我地就係要幫助有需要既人囉
MAMI今日真係好有精力～食飯前再帶你地去公園
之但係。。。。小燑同祖祖今日都好開心WOO

好野～又有歌唱

呢個星期六真係好FULL
MAMI又有事做～之後約左小燑契爺～
又趕返屋企比小燑休息一陣去合唱團
只要係你自己鐘意既野，無論幾眼訓都會醒
平時如果唔係自然醒一定會又喊又扭計
小燑同BAPA真係一對好攪笑既父女
一時又好似水溝油咁，但轉頭又難捨難離
明明話一定要MAMI送返學！！！
出門口又話想要BAPA同你去～哈哈
每次放學返黎都有新歌仔唱
UMM～豬米燑真係好鐘意唱歌咁WOO
然後小燑話同BAPA係坐VAN仔返黎屋企
終於都搵到車去呢個咁偏辟既地方了
唔洗次次都要坐的士～
又來來又回回咁真係幾貴
原來家姐唱歌做動作祖祖係會記住咖
只要係小燑教既歌～幾次之後祖祖都會跟住做
所以有個家姐係到真係唔同D既呢
不過祖B到而家都係唔多識講野
最多就係MUM MUM，熱呀、貼呀、阿BA、開門。。
但都發現祖祖多左跟住MAMI學講野
GOOD，有進步呢～

PLAYGROUP＠14MONTH祖祖

呢堂係中文PLAYGROUP既第一堂
10點鐘呢個時間真係早左D
仲要今日係星期四？！小燑放學要畫畫
MAMI就勁趕同超級累囉
先係一早幫2個換好衫就送左小燑返學先
留返祖B係屋企食早餐呢個BB早餐都食飯
好彩有婆婆係到幫手餵你食野咋
如果唔係真係頭都大埋
返到屋企MAMI就接你去返學了
BAPA今日陪埋我地一齊去睇下祖祖上堂
大致上同英文PLAYGROUP無分別
只係將D野變做中文姐嘛，HAHA
而且仲比英文悶好多！睇見BAPA遲D想訓覺
祖祖上堂學識講：“放呀”“貼呀”“轉呀”
唔知點解祖豬講咩都加個“呀”字
最後交錢上埋下星期試下點先啦
一放學就趕返屋企餵祖B飲奶又出門口了
真係行到傻呀！！！好趕咁去接家姐放學
又好趕咁帶住2個去食LUNCH
之後就送家姐畫畫喇
呢半個鐘總算可以坐下囉。。。。
真係要重新考慮下D時間既問題
因為MAMI唔想祖祖太累呢～

FREE～環保禮物

無意之中發現一個將廢物延續生命既地方
MAMI研究左一晚之後今日終於嘗試了
咁岩早2日執衫有2件唔要既衫
一放上去就即刻有人要喇～YEAH
有一種莫名既快樂，幫到人、又唔浪費
要教小朋友樂於助人真係一件好事～
讀書重要，但有好既品德更重要
而家小燑都學會多D關心身邊既人
好似住係附近既鄰居伯伯都會打招呼
而家大個女仲識去問下人食左飯未呀？
HAHA，不過一問完就會即刻BYE BYE囉
仲會每次落車都同司機叔叔講唔該曬
當然都仲有忘記既時候既
其實平時都真係好多垃圾都係自己製造出黎
買既野又多，好快又無用
一黎又唔環保～而且又浪費金錢
最好既係可以教小燑同祖祖同人SHARE
到左夜晚豬米燑就將自己一件新年衫都送比人
新年衫真係重有好多套～都只係著一次
小朋友又大得快，下年唔會再著啦
HAHA，唔洗10分鐘就有新既主人了
希望小燑同祖祖都學會珍惜物品
唔好再亂買一D無用又重覆既野返屋企啦
MAMI都要節制下唔好買咁多無謂野！

與小燑閒遊

好耐好耐都無同小燑2個人去玩了
呢排認真回憶下，其實真係做得不夠好
決定生祖B的時候應該要考慮得更長遠
照顧一個小朋友唔易，2個就更難
自問不是一個好媽媽～要公平～要公正
仲要將時間分配得好好。。。。有心有力
有時會好惡對小燑，鬧完先黎後悔
認真諗下，點解會覺得你大個女所以要乖
比起細佬你係大個女就要遷就下佢？？
但～小燑都係一個好需要人錫既小妹妹姐
無論大人定細路都鐘意人愛咖啦
MAMI知道間中都要同你去RELAX一下
掉低訓緊晏覺晚祖豬，同小燑出發去街街
一出門口豬米燑就好開心了
先去左排隊睇醫生，因為小燑成日都流鼻血
而且隻手上面生左D一粒粒既野好耐
坐係到等既時候小燑好驚。。。驚要打針
仲成日記住老師話要打流感針囉！
檢查個鼻個時都幾驚又幾痛咖～
喊左一聲就無事喇，好勇敢呢！
睇完無事，咁都放心D！醫生話唔好搽咁多藥
行左商場一個圈小燑突然話想食牛腩粉
好遠姐。。。。後尾行行下又話食米線都得
我地去食譚仔米線，哈哈，小燑問譚仔係邊個
可能心情好既關係？一大碗腐竹米線都食晒
平時又鬧又要TUM先食到半碗飯，唉。。。。
食飽路過玩具鋪～好啦，今日比你買一樣啦
然後再去左坐車車～買手巾仔同水杯返學用
開心既小朋友真係特別乖咖
全程自己拎住個裝滿禮物、藥、水既環保袋～
返到屋企仲將手巾仔送一條比細佬呀
MAMI應承你！再幾唔得閒都會抽時間同你玩

昨日既我已長高。。。變得多麼快

小燑既新年假期話咁快就結束LU
開學第一日差D唔知醒
MAMI真係一個成日都聽唔到鬧鐘既人
唉。。。真係好麻煩。。。
咁耐無見D同學仔，放學梗係要聚一聚
約左星星啦、光頭BB同澄澄～仲有悠悠
我地4個MAMI，加6個小朋友去飲茶
好開心呀，然後就一齊黎左我地屋企玩
大家都唔捨得走。。有得玩就唔會眼訓的
學校今日派左一張DVD比我地
原來係學校既生活照～好懷念呀
短短既半年時間就相差咁遠？？？
突然諗起豬米燑經常唱既一首歌仔
“昨日既我已長高，變變變變得真快。。。
昨日既我已長高，變得多麼快”
睇完隻DVD真係眼水都流埋～
MAMI真係好感動呀，我既小燑大個女了

原來小燑同星星真係好朋友黎WOO

呢個係8，9月份生日之星
小燑係其中一份子，HAHA～岩岩3歲時的你

悠悠呀，好乖既一個小妹妹～圓LOOK LOOK好可愛

HAHA。。。其實小燑都幾得意丫＞V＜

仲係好BB樣咁，而家完全大個左好多
MAMI真係愈望愈唔捨得呀～

呢張相係上一次家長會就見過的
老師話小燑係個愛清潔既小朋友～HAHA

頭髮長左好多。。。而家睇返好好笑

一人一花活動，可惜盆花枯死了。。。。
都係短頭髮岩你多D，好似好亂咁

學校既聖誕表演～
澄澄～小燑同星星～你地真係好朋友呀

呢2張相既小燑真係。。。。。

好像岩岩訓醒又無人理既小妹妹咁呢～

上學去

其實都可以比祖祖試下去上PLAYGROUP了
咁MAMI咁岩見到家姐讀中文既學校有得試堂
幫祖祖都約左今日去試第一堂
其實就早左少少，因為都係岩岩開始學識行
唔緊要啦，平日既祖B咁鐘意音樂，去聽歌都抵
婆婆同舅公都話咁蠢豬既阿祖去返學？？HAHA
估唔到祖B係一個咁開朗既小朋友
一去到就不停同老師SAY “HI”同揮手
仲一D都唔怕羞咁四圍行
呢堂係講英文既，MISS一見到祖B就話：
“HELLO， LITTLE GIRL！WHAT“S UR NAME？”
祖B真係咁似女孩子嗎？？？
介紹左一輪就後就開始第一次既PLAYGROUP了
JEREMY～祖B都知道自己叫JEREMY咖
開頭10分鐘都係各自玩玩具，都幾悶下
然後就係一齊玩玩具。。。。都係悶悶地
不過祖祖好有興趣！仲經常拍手話“好野”
意外地佢係全班3個小朋友入面最落力既一個
每當有歌佢就拍手，聽完就笑又話“好野”呀
落左堂之後MAMI都唔打算JOIN～因為都係一心試下
問左原來星期四個堂係中文PLAYGROUP
要試都可以比一堂錢去一次～考慮中＊＊＊＊＊＊
點知。。。夜晚大家問起祖B今日返學點既時候
MAMI一唱有動作教既歌祖祖自己做返出黎
HOT POTATO～BANANA～CHICKEN～都記得
WOOO。。。。咁叻仔？？？？
星期四當然又要去試多次啦，HAHA
MAMI真係一個容易滿足既女人呀！！！！

話劇班＠小舞台演藝中心

開始了～第一堂既話劇班
上次試堂之後話自己好鐘意呢到返學既小燑
第一堂就遲到！真係唔好意思
都係MAMI太累既關係
之前幾日都訓唔好，所以完全聽唔到鬧鐘
好彩只係遲左10分鐘
落堂時小燑走黎話比MAMI知老師叫“BB姐姐”
MAMI就問下“BB姐姐”小燑係咪唔出聲先
點知～老師話：“佢講野好大聲又好主動啊”
哇。。。真係好開心聽到老師咁講
平時小燑都係一個好慢熱又怕羞既小朋友
MAMI會帶你去咁多地方玩都係想你活躍DD
UMM～咁你要比心機喇！
然後我地就返去BAPA屋企拜年
食個開年飯～希望大家新一年開開心心啦

初七～後補情人節

差不多成個新年都唔係屋企
終於到左年初六先有朋友黎拜年
肥DO契媽黎左呀～多謝到訪，HAHA
然後坐一陣就一齊出去送小燑返學啦～
豬米燑開始又要去練習『合唱團』喇
休息左成個星期～又要開始努力一下呢！
係窗口到偷望入去見到小燑唱歌個樣好開心
又一直跟住老師做動作～GOOD GOOD GOOD
然後我地就出去食D野等小燑放學啦～
之後路過7﹣11見到有隻好可愛既錶
MAMI就決定買黎送比豬米燑啦
當然唔少得細佬一份既
咁岩有孖寶兄弟扭蛋錶～YEAH！！
點知小燑嫌隻錶太大～咁就岩喇，HAHA
你地唔知MAMI本來就好鐘意呢隻錶咖
YEAH，多謝晒，就當係情人節禮物吧
原來MAMI同BAPA錯過左一個情人節
不過如果係開心的話，節日同平日都是一樣吧
小小禮物＋大大心意＝十分滿足
然後MAMI再帶小燑去扭返一隻錶
仲要比小燑扭到孖寶兄弟既公主呀～開心死
返到屋企就見到LITTLE MAMA都黎左探我地
好熱鬧呀，今日“人日”人人都要生日快樂呀

初六@最後一天的廣州之旅AGAIN

5日真係好似好快咁～
短短幾日我地又要返香港了！
一早起身就同小花婆婆飲個茶先
小花應該好唔捨得我地啦，HAHA
特別係祖祖！因為祖祖成日都去KISS太婆
而且老人家最鐘意見到小朋友食好多野
哈哈，為食豬就一日到黑都話食食食！
所以小燑間中都唔開心大家都話祖B乖囉
MAMI其實都想小燑食多D野呀！
飲完茶～望下個鐘都差不多時間要走了
回程既行李依然好重。。。。。
因螢帶去既厚衫都無用！成個新年都係好熱呀
去到火車站婆婆先將D車票交出黎比我地
OH MY GOD！！！！4點3？？？
點解一直都話係2點3？？？？。。。唉。。。搞笑囉
從來未試過係車站坐2個鐘不停食～飲～食
浪費左2小時同太婆相處既時間。。好嬲呀
7點鐘。。。終於都返到屋企
今日係大頭表弟生日，所以我地有蛋糕食


小燑返到屋企竟然話：
“MAMI～我想返酒店訓呀，張床大D”
哈哈。。。好呀，下個月再去丫～

祖五：大中小情人@廣州之旅AGAIN

今年真係特別幸福～
因為有大～中～小情人陪住我
年初五～又係情人節
身處廣州既我地梗係無左件事啦
又係起身～食野～同食野
值得開心既係：祖祖今日行得好叻呀
佢一放手就自己行左好遠
返左黎幾日都無帶祖祖去公園玩
原來佢真係一個好百厭既BB
竟然咁細個就識爬滑梯？？？？？
好多姨姨都話佢好靚女～又白雪雪
哎喲。。。我地係堂堂男子漢黎咖

初四@廣州之旅AGAIN

尋日我地路過見到一間好似幾好味既酒樓
GOOD，早餐就去呢到啦
“地一居”？？！！一路都以為佢地講錯係“第一居”
見到招牌先知真係地一居
OH～原來大陸都有『黃大仙』祠呀～
我地後尾就去左遠D個間“地一居”食飯
順便行下『黃大仙』啦
香港既『黃大仙』新年人山人海都入唔到去
呢到就唔算好多人。。。
係門口行過望下就走了！太婆話入去又要還神
街邊好多檔地攤賣風車～好靚呀
差不多全條街都係金色的。。。
我地由太婆屋企行到呢到要成個1個鐘既路程
真係餓到腳都軟～MAMI仲要抱住個祖祖B
WOO！！但D野就好食好多呀
呢幾年返黎探太婆最好食都係呢間酒樓
所以下個月太婆生日都叫佢黎返呢到食啦！
MAMI最愛既蛋撻都食左3個呀
小燑今日好扭計～可能訓得唔好？？
而且又嬲左阿祖囉
梗係啦，以前得一個豬米燑嘛
多左一個祖祖豬！個個都想抱下細佬囉
傻豬家姐當然唔開心啦！HAHA
嬲左一陣又無事LU，小燑仲拖細佬行
真係過年大個仔左好多咁，祖B識行好多步了
放開手佢都敢一個人行好耐都唔跌
個衰豬仲成日叫太婆太婆，叫到太婆好開心
咁又一日喇！好似咩都無做過咁
HEHE。。。。都係食同訓。。。。。

赤口@廣州之旅AGAIN

例牌既事就係夜晚訓唔好、朝早又要早起身
MAMI真係一個好難訓得好“LUM”既人
無計啦，隔離2個小寶寶超級懶訓
左一腳，右一拳就天光了
不過太婆都想我地早D起身陪佢多D啦
所以拿拿聲換衫係樓下飲茶
呢間酒店D野食真係唔合格～
而且D服務真係算得上差！！！！
UMM。。。習慣左飲茶無煙味之後
覺得食緊飯有人噴D煙黎真係好難頂
唔知大陸會唔會有禁煙既一日呢？？HAHA
飲茶好似咩都無食過落肚
由其係阿祖呀，佢真係咩都唔食WOO
我地一返到太婆屋企又再食過
哈哈，太婆話幾多錢先夠我地食
因為係屋企岩岩食飽我地又去行一陣
點知。。一行到去市中心我地又係食
自己都有少少驚。。。但又真係食得落先勁

小花婆婆好開心呀！笑到眼都矇埋
仲學人拎住杯咖啡影相呢
食咩都無所謂，最緊要係大家都好開心
我地好耐無試過咁多人一齊陪婆婆食野
多數都係分開唔同時間去探佢嘛

之但係小燑個靚仔表舅父今晚就返香港喇～
所以我地食完TEA又再行返屋企食DINNER
哇。。。係囉。。全日得個“食”字
所以今日最攰既係大家個“嘴”。。。
早抖

初二@DAY1廣州之旅AGAIN

今年早D返去陪太婆過年～我地初二出發
有小朋友一齊當然盡量都唔好咁趕啦
2點半既火車，時間岩岩好
呢幾次都有一個搵返同一個司機黎接我地
都好方便，唔洗行又唔洗等
燑燑有表舅父既同行所以無暈車浪，勁呀！！
直接去到酒店～太婆都到左喇
WOHO～我地都好掛住你呀
睇落都好精神仲好有中氣鬧我地咁遲先到
HAHA，坐底之後大家就一齊食晚飯
好似咩都無做但係都好累了～
返上房沖涼休息下先
本身諗住等2個百厭星訓左同BAPA食宵夜
點知我地都訓到好似豬咁。。。。。。

拜年去@大年初一

上年既新年MAMI同祖祖係屋企坐月
咁快～又一年啦
所以祖B都可以一齊去開心下
我地今日去太“女麻”屋企食晚飯
其實平時好少見到太“女麻”咖
所以新年就一定要去食餐飯～聚一聚
小燑又係去到又唱又跳好落力表演
而且佢地好似發現左新大陸咁
『電話』？？？佢地好似無點見過
因為我地屋企無裝電話，哈哈
大家都有手提電話嘛，費事又裝多個啦
呢個『電話』差D比佢地2個玩殘
爺爺見到燑燑好開心呀
我地食飽就去同BAPA行一陣街
MAMI送左一條褲比BAPA做情人節禮物
可惡既BAPA又話將自己送比MAMI就夠
HEHE，小燑以為MAMI同BAPA真鬧交
仲拖住MAMI鬧BAPA！
“你夠膽蝦我個MAMI呀？吓？”
“MAMI你黎我錫返你，等我送禮物比你啦”
好WARM呀豬米燑，我真係好愛好愛好愛你
行左一個圈都要返屋企LU
帶住2個好麻煩既小朋友真係唔行得耐
仲要準備好明天去大陸既野
好多野要帶呀～超級重
我地今次去5日呀。。。。。。

團團圓圓遊花市

到左新年就開始凍返了～好有新年FEEL
年29～我地要出發去同太婆食團年飯
今年無年三十，好似少左一日玩咁，HAHA
燑燑真係開始唔怕羞啦
去到太婆到又大大聲咁叫晒全部人
等食飯既時候仲唱歌又背詩！勁呀
祖祖當然企係家姐隔離拍拍手同叫“好野”啦
連祖B都好乖咁跟家姐唱左一句歌
哈哈，係唯一一句祖B識跟住唱既“人～人『愛愛』”
大家都話而家D小朋友讀書多野記
K1就要讀3字經，真係MAMI都唔識呀
返到屋企沖完涼就出發去行花市
本身都唔想行啦，因為都成12點幾了
不過祖祖未去過WOO，咁去行個圈啦
小燑好興奮呢，一路行一路笑
好多人呀，估唔到12點幾都仲要排隊
入到去BAPA同小燑行去玩“撈金魚”
MAMI帶祖祖係一邊睇下就算LU
呵呵。原來旁邊有條路可以行去中間賣野既地方
咁祖B都唔執輸去睇下啦
買左個波～買左頂帽～買左風車
MAMI就買左一盆仙人掌比BAPA
第一次咁夜都未返屋企訓覺呀
YEAH～～～蛇年快樂～心想事成
大家身體健康～期事如意
小朋友最緊要聽聽話話

瘋狂日

WOHO～開心到傻左呀
連燑燑訓覺之前自己都話今日好開心
小燑放假其實係比MAMI休息既時候
不過今日又要畫畫了
而且仲多左一個朋友仔一齊黎畫畫
所以我地3個媽咪就約埋一齊食LUNCH先
場面當然好嚇人啦，1。2。3。4。5。6。
6個小朋友加3個大人！！？暈呀
所以今日完全影唔到相～
之不過又好開心WOO，HAHA
好彩小燑同祖祖B出街食飯都比較乖
咁MAMI仲可以幫手照顧下其他小朋友
食飽飽就一齊去畫畫啦！
澄澄係第一次黎，但一D都唔驚仲話好玩
所以以後逄星期四又多左一個好朋友啦
落堂就去食雪糕啦，可惜星星咳所以唔去LU
得返2個小朋友加2個BB，都食得晒咁多雪糕
見時間仲早，澄澄同光頭BB都黎我地屋企住下
婆婆仲整左蘿蔔糕比佢地帶返屋企呢
睇見佢地4個唔停口咁食食食同玩玩玩
真係好開心呀～
快樂不知時日過。。原來都玩到成4點
玩就唔眼訓既，平時2點零就要休息咖WOO
點知
OH。。。一放低2個係床就即訓著了
GOOD！！！！

放假又要返學？！

開始放新年假期既第一日，小燑又返學？？
係啦，其實一直都怕你辛苦所以先停左
不過小燑真係好鐘意係呢到上堂同玩
都好既！係屋企你眼望我眼咁仲悶
而且等你多D活動下！好過對住電視同打機
係屋企唔通成日要你坐定定咩。。。。
一黎多左細佬，MAMI有好多地方都去唔到
而且得我一個陪得細佬你又悶
出咁多街又係得個行、食、同去公園
HAHA，其實新年假期就係得呢十幾日
仲要PLAN左有5日都返左大陸探太婆
咁一定又開心又充實啦
估唔到燑燑真係好掛住教中文既老師
一入到去就開心係到傻笑左一陣呢
放學仲主動話自己好鐘意讀中文
係咩。。。？？？點解係屋企你又唔願讀？
只係怕你返學之後要訓晏覺會好累姐
UMM～可能有得玩你又唔怕囉？
丫，收到小燑張新既回鄉CARD了
而家變左黑白既？？無以前咁靚
仲要影相又要見到額頭、又要有頸同CD
但其實隻CD有咩用呢？？？？？

新年派對@幼稚園

新年著既唐裝衫真係好可愛呀
小燑終於都可以著套新衫返學校PARTY
 尋晚唔願訓覺，好彩一聽到PARTY就彈起身
哈哈，小朋友真係好貪玩咖
換好衫之後係到四圍咁行等人讚佢靚
點知舅公專登唔咁快讚佢呢～就嬲！
小氣豬，又貪玩又貪靚
今日放學先知原來聽日開始放假？？！！
真係唔小心睇錯左全日班先係返到星期五
如果老師唔講MAMI可能聽日就送你返學呢
豬米燑學校真係好多小禮物
平日做既親子DIY比賽每次都有參預獎
每月生日會又一大袋禮物
生日個個仲有多份大既，開心死啦
蛇年就到，當然唔少得“金蛇蛇”錢箱
好可愛呢～～～～

乳豬慶團年

全日都係食食食～食到肚腩都大晒呀
早餐就已經好豐富啦：KFC加MC當奴
然後食飽就訓。。。訓醒就去行街街
其實新年唔一定要買好多新衫新鞋啦
環保嘛，夠著就OK啦。。。
咁小朋友當然可以買1、2件啦，HAHA
祖祖B今日都無咩胃口，可能又牙痛
所以晚餐就去佢鐘意既地方食野啦
去返上次個間餐廳團年飯
爺爺“女麻”“女麻”黎一齊提早團年呢
呢D既野食款就唔多，但味道都OK
就連甜品都好好味呀
小朋友個胃真係萬能的。。。
食飯又話飽，但一到甜品就會變到好餓
佢話同阿YUI一齊SHARE既甜品竟然自己食晒
哈哈。。。。真係叻呀
燑燑真係大個女左好多，見到人就會叫
又識得拎D糖出黎分比大家食！乖乖啦
爺爺都話小燑乖左好多呀！！！

上學期結業日&雪糕POT

上學期結束了，今日又係家長日
呢間學校都幾好既，一年有4次家長會
等我地呢D問題師奶多個機會見下老師呀
又可以乘機走入小燑既課室參觀下
今次BAPA同祖祖B都一齊黎陪家姐呀
因為上次MAMI都見到禮堂有小勞作比小朋友玩
咁祖祖同家姐又可以一齊畫下畫囉

呢張檯佢地2個係到玩左半個鐘都有
HAHA，係屋企既話5分鐘就走左LU

燑燑整左幾張揮春，祖祖都有份幫手的。
等左好耐先到我！差不多係最後一個
不過其實MAMI都無咩特別野想問老師
我地既對話只係短短幾分鐘就完左LU
想知道小燑係學校開心嗎？合群嗎？
食茶點既時候有無食晒？會參與遊戲嗎？
老師都話OK的，咁MAMI就放心了
原來小燑係學校同係屋企既分別都好大
呢D係人既天性，識分咩時候要乖同幾時可以曳
講既野都係同上次差唔多囉。。。。。
好啦，都係個乖左D呀、有心機呀。。咁上下囉
然後我地就同澄澄&光頭BB去食雪糕了
YEAH，好開心呀！我地第一次食雪糕火鍋
小燑一個人都食左6粒雪糕呀～西利
睇見呢4個小朋友食得咁滋味真係SWEET
下次有機會一定要再黎呢～
食飽飽再去影下新年相
有朋友仔一齊既豬米燑影相都開心好多呢
仲十分合作，總知就係HAPPY到暈啦