暴雨中的2母女

尋晚落左一日大雨又落雹，真係好得人驚
好彩既係無發生D嚴重既意外
係屋企成晚都聽到好嘈既雨聲風聲，失眠。。。
攪到朝早大家都好唔精神咁返學返工
一出門口就開始落大雨LU。。。
愈行雨就愈大～加上D風呼呼聲咁吹落黎真係好凍
抱起豬米燑行快2步返學校安全D
應該無試過咁大雨仲要係街既小燑真係勁驚
嚇到一隻手攬住MAMI條頸，一隻手幫手攬住把傘
然後回家途中D雨真係大到由頭濕到落腳
放學既時候好彩只係毛毛雨～
行左一陣小燑就講喇～～～～～～
燑：MAMI，我今朝喊左少少，之後忍住唔喊呀
媽：吓，點解呀？老師話你遲到咩？
燑：唔係，今朝好大雨又好黑，你一走左我就好驚喇
媽：哦。。。老師會保護你地咖，傻瓜
燑：我話你呀，我驚MAMI有事跌親呀～我唔鐘意你咁樣行
媽：............我愛你呀豬米燑，原來你咁擔心MAMI啊!
燑：我好嬲你一個人行呀！下次就唔好啦～
之後MAMI已經要喊喇。。HAHA。。。。
寶貝女真係好似MAMI咁多愁善感既姐～
不過呢場雨實在係好恐佈既。。。
 

探太公@老人院

入左醫院好耐既太公早排轉左去住老人院
小燑同祖B都無機會去探下太公呢
今日就約埋太婆同“女麻”“女麻”一齊出去喇
一早就去食左個早餐先出發
點知遇上好多小意外攪左好多時間
最後我地又飲埋茶先去探太公啦
阿祖已經頂唔住訓左覺喇。。。哎喲
一上到去老人院，小燑已經有D緊張
其實小燑唔係驚D公公婆婆既～
只係覺得佢地好悶、身體又有唔舒服、
有D公公婆婆又無力支撐身體要用繩扎住坐
特別係嘗試過2次去做義工探訪老人院之後，
對老人院呢個地方都特別多感覺咁樣
呢到環境真係麻麻地，好焗，好多人又好細
終於見到太公了，眼淺既MAMI又要忍住喊
唔肯食飯瘦左好多好多呢。。。好心酸
小燑今朝原來自己畫左2幅畫帶黎比太公
好有心思呀，阿女真係一個好乖既小朋友
太公一路都拖住小燑隻手～聽住小燑唱左隻歌仔
然後去公園坐一陣小燑又肯唱多首歌WOO
開始落雨我地就要返屋企喇
小燑：我地得閒會再黎睇你咖，拜拜太公
上左車走既時候祖B先訓醒～ 真係懶訓豬

冬菇BAPA的加入@生日

HAPPY BIRTHDAY！！！！BAPA
又老左一年喇，自從做左BAPA之後都係成日掛住做野
做野，返工、做野、送野、整野、、、
難得一日放假我地帶小燑同祖B去玩啦
慶祝都係想開心姐！最開心既事係咩？？
梗係睇見2個小寶貝笑得好開心啦
OKOK！今日就比BAPA帶我地去玩波波池啦
淨係聽到『波波池』就已經興奮到傻左了
好彩都唔算好多人，因為仲係好早嘛～哈哈
上次MAMI都同你地黎過一次喇～
所以今日就交比BAPA同你地玩多D啦
開心到傻左既小燑跑到好似游完水咁濕晒
阿祖行的咁慢都開始滴汗，證明都放夠電啦
咁我地就出發去食生日LUNCH喇
可能消耗得太多，我地4個食左好好好多野囉
ORDER既時候多到連個姐姐都話唔夠先再叫啦
最後當然真係要再叫多個飯先夠飽WOO
HAHA，我地既食量真係好難輸比人既！
行行下BAPA覺得太熱好想去剪頭髮？！！
咁我地3個唯有陪埋一齊去啦～HEHE
MAMI就係旁邊同個髮型師講：剪短D丫
30分鐘就後BAPA變埋同我地一樣既冬菇頭呀
實在太MATCH了，今次真係失散左都搵得返
再上去玩多一個ROUND我地就準備返屋企煮大餐
DIY晚餐加DIY生日蛋糕～
簡單而隆重既生日會就圓滿結束LU～
祝BAPA身體健康！生意興隆啦

鄉下尋親記@四會DAY2

祝小花婆婆身體健康～心想事成～
小燑同祖B真係訓到要叫先起身
睇黎尋日真係好大既勞動呢，HAHA
第一件事當然要醫肚啦！其實訓之前都好餓了
！！係呀，唔知點解係好餓WOO？！！奇怪
之後阿婆話太婆呢到D水飲完會消化晒D食物
咁恐佈？？咪變大肥豬？但眼見其他人都幾SLIM咖!
唔係淨係MAMI一個餓，係連阿YUI同阿婆都餓
最餓既就係最細既“阿祖B”喇，哈哈
我未見過阿祖可以飲茶NON STOP咁食足全程
又包、又麵、又肉。。。真係食左好多野
連平時少食既小燑豬都食左2碗粉～好感動呀
呢到D酒樓真係好大間又靚
我地黎到呢到先變左“大鄉里”吧？！！
阿祖不停大叫“媽睇下好靚呀”“媽有FISH呀”
食飽返屋企準備煮今晚既壽宴啦！
隔離左右都係親戚～大家都坐係門口洗菜
有D就係到“湯”雞，人人都好忙碌
我地就打算出去市中心行下，先要過橋
10分鐘既路程就到喇～好方便
山長水遠黎到呢到MAMI都掛住買D兜兜盆盆返去
BAPA就話：黎到都掛住做麵包師父呀？
當然啦，因為仲未成功做到一個好好味既包嘛
辛苦晒阿婆同細姨婆煮左成日菜
大家都陸陸續續黎到喇～大姨婆、舅父、姨公。。。．
簡簡單單，5圍檯親朋好友就為太婆慶祝生日
食飽仲有特備節目﹣放花炮
HEHE，小朋友個個都好開心呀
切埋蛋糕～許返個生日願望～好開心感動呀
小燑同呢到既表姐表哥都開始熟落起上黎
佢地身手好敏捷咖，又咩都唔怕
玩左一日之後MAMI都覺得小燑大膽左
連細佬行路都好似叻左D咁
平靜又平淡既生活，好容易令人放鬆心情
短短過左2日都已經可以感受到呢種無憂無慮既感覺
當然係到生活既人都可能會擔心收成點呢？
雞雞鴨鴨又大得快唔快呢？
但係就會少左城市既急促空氣～真係好RELAX呀
GOOD NITE：）
 

鄉下尋親記@四會DAY1

我地第一次要去太婆鄉下呀，聽到個車程都驚驚地
一黎小燑又坐唔到長途車～而且好似好偏僻咁
但係講左咁耐都要抽D時間去睇下小花婆婆嘛
更加緊要既係明天就係太婆既“牛一”呢
坐11點既火車出發去左廣州，先陪舅公食個飯
 順便比大家抖一抖～坐一坐！因為好似仲有好遠路
小燑沿路都問到未呀？幾耐呀？落車未呀？
UMM～講真，MAMI都坐得好唔耐煩囉
之但係無相像中咁遠WOO，個零鐘就到四會了
6點都未夠，天都黑黑地～空氣好清新呀
好多人係門口接我地～雖然全部人都唔識既，HAHA
好彩豬米燑無嘔、無暈！YEAH！好叻女呀～
落車第一件事梗係入屋然後大叫“好掛住你呀小花”。
諗諗下可能一年都無黎探過太婆了。。
大家安頓好D行李同飲杯茶又話煮飯呢？！！
由出門口開始計我地都已經食左3大餐飯仲不停食零食
照計應該好飽既，但係估唔到7點未夠我地又餓LU
帶定好多麵包、餅乾同水～
點知2個小朋友勁鐘意食呢到D野WOO
可能D菜又新鮮。D雞又新鮮～
阿祖B仲食左成大碗飯呀，係屋企好耐都無試過
仲有小花專成煲既木瓜魚湯！係比MAMI飲左可以餵奶咖
木瓜？都係岩岩樹上摘落黎的～勁正呀！
食到咁飽既祖B一沖完涼都唔洗飲奶都訓左覺囉
UMM～～～～～太婆呢到真係好大！環境都好好丫
都唔會係好落後既地方，仲好乾淨
除左沖涼既水超級勁細水之外，咩都VERY GOOD呀
今晚早D抖，聽朝四圍去行下先得～

趁“涼”的BBQ＠綠田園

天氣仲未熱，我地決定再戰BBQ一次
MAMI都麻麻地熱愛燒雞翼！因為無咩耐性囉
但上次Q左一次後發現小燑同阿祖都好ENJOY
咁為左你地就無計啦，再黎多轉吧！！
我地3個其實都有病在身，去出身汗都好既？！
同熹＋桸，每次有熹熹點會少得桸桸！仲有星陶 ～
至於大忙人BAPA又臨時有事不能出席WOO。
好彩有婆婆頂上，如果唔係又單車、又一袋二袋點算？
仲多得星陶爸黎接我地出發！感激感激～
一上車祖祖就好醒咁補一補眠先，準備玩一個下午
去天水圍既『綠田園』，MAMI同婆婆都係第一次黎
都幾大，又好多野玩～2個百厭鬼不停大叫咩都要玩
第一件事梗係食D野醫肚啦。。。。燒......燒.........ZZZzz
燒左好耐都未食得，HAHA，祖B己經扭阿婆去跳彈床LU
全程都掛住玩，個個小朋友都失控地運動
最乖都係豬米燑囉，其實係怕羞＋無女同學姐
阿祖成日都以為自己都係4歲既小弟弟？！
可能由細到大都係跟家姐D同學仔玩既關係
時不時都嘗試去控制D哥哥仔，又同人爭野玩
真係比你激死，仲叫人地全名唔加“哥哥”！
燒到5點我地決定去踩“水上單車”
UMM～好懷念，MAMI細個婆婆公公成日都帶我地坐咖
真係好多年都無試過呢個場面
下次可以叫埋阿YUI一齊黎舊事重溫一下呢！
小燑今日出奇地大膽～全部遊戲都夠膽玩
仲一個人坐上去用手划既“小船”到玩得好開心
之後祖B一路係旁邊話要坐。。人地要3歲以上先OK
後尾個姨姨話有大少少既船可以MAMI抱住坐
哇～～～呢架船仔都幾得人驚！都係小燑叻D囉
坐下又玩下又燒下，本來6點走都整到7點幾先離開
呼。。。真係超超超攰又開心呀
但係我地3個一返屋企就要食藥訓覺了
大家都失聲加大傷風。。。。
睇後聽日都係要休息一天啦

遲來的團年飯

契婆婆同契公公，即係MAMI既契媽契爺
約左好耐先就到大家得明既日子食團年飯
其實人大左真係得返好少時間咁
返工、返學、搵朋友、OT、病、揍BB、、、
各有各忙，各有各生活，難得既一個晚上
我地就一齊盡情地同『口』食＋講吧
好似自從上次契哥結婚後都無見過LU
係細佬反而間中都入黎搵下幾個小朋友玩
結左婚之後就唔止一個家喇～所以更加少時間
“家”，真係要用時間去經營的
第時你地大個左既時候就會有自己既生活
咁MAMI就可以有返D自己既時間喇
可能會好唔捨得，唔習慣！但都係必然的事
到時年紀大了～頭髮白了、行路又跟唔上你地。。
但千其都唔好嫌棄MAMI呀～
講到呢D好似真係好長遠咁WOO，HAHA
起碼都係幾十年後既事，都係第時先算啦！