跑呀跑呀@天暉體育館

上次上網搵地方想同豬米燑去玩下
原來有好多地方都有兒童遊樂場仲免費咖
我地約埋同學仔一齊去玩啦
有熊貓同佢媽咪啦～星星一家啦～同澄澄佢地
當然仲有我地一家四口啦，HEHE
BAPA係時候要運動一下吧
去到遲左少少，所以要再等下一場先入得
咁我地唯有坐係到等啦，都幾多人的
至於D小朋友，佢地有地方跑就唔會悶了
祖祖B就等到訓著左。。。。。。
每一場都有50分鐘玩，等左1個鐘終於入得去
哇。。。好大呀～而且都好乾淨
第時有時間都可以再黎玩
祖祖B真係好攰，咁嘈都訓到覺
入左去差不多20分鐘先突然醒左
一打開眼就即刻落地跑去玩喇，超百厭
估唔到小燑咁大膽爬左上座小山到
又同BAPA玩搖搖椅玩到跌親～
跑呀跑呀，連MAMI都爬到腳軟
你地可以唔停咁玩50分鐘真係叻
我地老喇，HAHA，真係頂唔得住呢
大家都好乖夠鐘就著鞋走，除左阿祖B
而家識跑2步姐，一叫你就愈叫愈跑
咁細個就學人扭計唔願走～哎呀
玩左咁耐應該好肚餓啦，去醫下個肚先得
豬米燑真係好快食左成碗麵！
我地次次食野既地方都必定係特別嘈的
有時諗下隔離檯可能都幾驚，7個小朋友WOO
如果第時熊貓帶埋妹妹出黎就變8個喇！
咁開心又點捨得走呀，繼續ENCORE
再去冒險樂園玩一陣先走～應該好滿足啦？？？？
哇。。。。MAMI同BAPA真係覺得好攰囉

3條蛇的BAPA！生日快樂呀

MAMI一早就訂左蛋糕，準備慶祝BAPA生日
今年無幫BAPA攪生日會了，懶左
BAPA生日即係豬米燑都3歲半喇！
我地本身諗住一齊去戲院睇卡通片咖
可惜最後都係無時間囉
本身我地打算行一陣街之後去拎蛋糕咖
但係都係趕唔到囉。。。。。
之後我地PLAN左去食意大利野的～
點知最後都等唔到BAPA放工囉
MAMI等到6點幾就同小燑、阿祖仔換衫
去左拎生日蛋糕先啦！！
哇。。。。好靚呀！小燑好鐘意
之後我地再係街到行一陣等BAPA
唉，等呀等，我地3個食住等啦
雖然BAPA無一齊食生日飯，但應該都一樣好開心的
食飽飽我地返屋企等BAPA返黎切蛋糕先
2個百厭星都好乖！家姐唱歌，細佬拍手又叫“好野”

睇下，阿爸你係咪感動到想喊呀？？
HAPPY BIRTHDAY TO BAPA

像媽嗎？

2個小寶寶～

MAMI覺得你地加埋好似我細個呢，HAHA
原來以前MAMI都係留住呢個草菇頭的
我地3個個鼻都好似呢！一樣咁醜
個咀呢。。。。。少少似啦
如果加埋BAPA細個既相～
其實豬米燑應該係似BAPA多D
連黑都似埋BAPA呀！！可惡
祖B反而白雪雪咁似女仔
調轉就好啦～唉。。。。。

EASTER HOLIDAY

YEAH，返埋今日學就放復活節假了
每次燑燑放假都好似鬆一口氣咁
唔洗日日趕返學～接放學都好似舒服D
好啦，我地今日同澄澄一齊去RELAX下啦
接左2個小妹妹放學就食D野去玩LU
其實MAMI同澄媽已經由今朝行到你地放學
所以我地同埋2個細佬都好攰下啦
近近地就去玩下冒險樂園！！！
最開心都係小燑同埋澄澄啦～又有得玩
祖祖唔知點解今日好驚騎馬仔WOO？
一放佢落地就係咁要叫MAMI抱抱。。。。
去到冒險樂園當然要擲下彩虹！
豬米燑次次都擲到獎咖
今次就中左1000張飛，澄媽話一齊換禮物仔
見大家咁開心就買一枝棉花糖SHARE食啦
可能真係好似棉花？！祖B同光頭仔都唔肯食
2個BB都以為係唔食得既野，仲食到喊TIM
返到屋企又玩一餐飽～
小朋友既精力真係勁呀！！！！
放咁耐假有排你地玩啦～～～～

新車落地

之前買既新滑板車終於都試車了
小燑一D都平衡到唔，HAHA
而且又怕跌呢～唔肯用力去行第一步
去到球場撞到楊楊哥哥同樂樂弟弟踩單車
原來比較百厭既小朋友就會一踩就識
豬米燑同楊楊哥哥都係比較怕死囉
所以。。。。睇住樂樂係到玩
祖祖B咁細個都夠膽一個人爬上去行
真係超級百厭呀！！！！跌完都唔驚
後尾有個大小燑一D既姐姐一齊玩
然後MAMI就陪你地玩“麻鷹捉雞仔”
呢D野係細細個成日玩架！
小燑開頭都唔識！一捉佢就走左去好遠
好耐都無試過跑到成身汗了
真係開心～

姐弟情深

呢排好鐘意將你地扮到一樣咁出街
HAHA，間中仲有人會問你地係咪孖生
到底係小燑你生得細粒定係祖祖B你高呢？
有D人會問係咪孖女＠＠有時又話2姐妹
其實我地係2姐弟呀～

有時MAMI為左握阿祖個KISS就會放D野食係個咀餵佢
點知小燑又學MAMI，HAHA
餵細佬食餅餅好乖乖呢～真係十分之SWEET
唔知大個左睇到張相會點呢？
記得要相親相愛呀！！！！！

小朋友演唱會

好啦，今日瘋狂地放縱一下吧
接小燑放學既時候遇見執粒清貨玩具鋪
竟然買左好多又大又阻地方既玩具囉
明明上個月清理左一堆唔要既野
MAMI自己又搵D野去買返黎玩？？
真係一堆未完一堆又黎LA
同埋澄澄一齊買完野之後返屋企食野
2個貪玩既媽咪一直都話想去卡啦OK
之後我地一行6個人去左唱歌仔呀
哈哈，係2個大人加2個小朋友﹠2BB
都有少少嚇親人！咁多細路仔WOO
然後呢個膽生毛既祖仔就跟左個姐姐走
仲比人地抱住～又勁開心咁行入房TIM
唉。。。。原來MAMI咁落後了
真係一首新歌都唔識唱，HAHA
一開始點左好多兒歌比佢地唱同玩
小燑好勁呀，識唱好多歌仔咖
祖祖係一邊拍晒手又跳舞咁～好有型姐
最叻係HEAD AND SHOULDER跟住唱“NOSE”

之後玩到悶就食MAMI準備定既一堆零食
到MAMI同澄澄媽唱左幾首古老歌
突然諗起小燑學校有首早操歌係『健康歌』
當然即刻點比2個小朋友聽啦
真係即刻跳晒舞又唱埋國語都掂哦
連續唱左十幾次都有。。。太煩喇，HAHA
但睇見你地又好開心WOO！仲話要下次再去

祖B都跳到好眼訓，咁嘈都訓著左～
丫，而家祖祖真係咩都認得
一行入個商場又係到叫“ICE”話要食雪糕
出左門口就知有波波又係到話：要丫波波呀～
真係比你煩死呀阿祖仔～

喊吧大喊包

唔知係咪因為大個女所以唔多需要訓晏覺？
還是呢排玩多太多所以唔願訓？
小燑都係唔係訓得幾好咁。。。。。
放左學約埋澄澄同佢細佬一齊黎食野同玩
上次競技日之後應承左澄澄打“千秋”仲未去
小朋友會記得大人講過既野咖嘛
而且我地都唔可以握小朋友～
所以食飽飽就係屋企打“千秋”，HAHA
出面又陰天～仲要我同澄澄媽都係拖住2個
真係去唔到公園囉，好彩屋企有個細“千秋”
玩完又唔肯訓一陣既小燑4點又要上中文堂
而家小燑識既字真係愈黎愈多呀
有D好深既字都認到～有幾個字係特別難記的
『看』同『有』就係成日都分唔清啦
『在』又成日都唔記得，其他都OK既
放左學返黎就慘LU，喊到傻左
因為小燑扭眼訓真係好煩
無目的咁喊，喊左成40分鐘都唔停
有時MAMI都任得你喊一下既
舒發下感情都好～平時成日忍住
可能小燑驚喊會比MAMI鬧囉
BB呀，你唔好成日都扮堅強啦！
MAMI會好擔心咖！！
你大個左之後都係呀，有咩事都要同MAMI講呢
唔好收埋係心入面一個人唔開心呀
I LOVE YOU VERY MUCH！！！

CHECK POINT@MARCH 2013

自從細佬識講多幾個字之後就好麻煩了
只要佢一唔想食就會大叫“唔要”
見到家姐拎住既玩具佢想玩就會話“比丫”
如果家姐唔比佢呢就大聲喊跑黎搵MAMI
UMM～你傻既，MAMI又點會幫你搶玩具呢？
差不多15個月既祖B岩岩先識講『包包』
ICE CREAM就會講“ICE”
不過細佬脾氣好差！！比家姐仲惡
都係因為你而家係全屋最細囉
大家都錫，所以一唔岩心意就扭計
有時MAMI睇見你個衰樣都真係會鬧你唔落
小燑當然唔開心啦，以為MAMI偏心嘛
HAHA，因為小燑係個唔多會撒嬌既小朋友
而臭豬祖知你鬧佢就會黎攬住你扮慘
得閒無事又行黎KISS你一下WOO～
近排見到豬米燑好關心細佬
食咩同買咩都會分一半SHARE的
真係好乖呀！！！鐘意你地相親相愛
仲知道MAMI每次出街都同你地著姐弟裝
成日同人講同細佬係一樣色～或者一樣公仔既衫
家姐真係好生性的
有一日阿祖跑左出屋企門口想行落樓梯呀
真係嚇死人!！好彩小燑即刻拉住細佬囉
仲鬧MAMI點解著鞋開住門唔理小朋友
哎呀。。真係下次唔敢喇，唔該你呀燑燑豬

依依不捨又要返屋企LU

我地呢次只係逗留係太婆到一日～
好唔捨得呀，不過唔緊要既，好快再見
BAPA同阿YUI晨咁早就先行回港返工
祖祖B竟然訓到9點幾都仲唔肯起身
執拾好行李就去飲茶先LU
太婆真係好，知道祖B一定要食飯仲煮定帶去酒樓
呢間酒樓除左近之外真係無樣野好
好嘈、唔好食、勁焗、無咩禮貌。。。。。
發覺小燑真係同MAMI一樣有D潔癖
去廁所都要返酒店房入面先肯去的
我地食飽就返去太婆屋企坐一陣就走了
原來祖祖B都識得唔捨得呢？
上車去火車站時阿祖拍窗係咁BYE BYE
仲不停叫阿婆阿婆～好乖仔呀

至於個豬小燑呢～一上車就會開始驚
驚咩？驚會嘔嘛，成個人都會呆左同面青青
呢D都算係心理壓力，唔怪得之會唔舒服啦
成日都諗諗諗～諗住自己一定會嘔
係火車站見到間免稅店就入去睇下啦
好耐都無行過呢D賣小禮物既鋪頭
見到好多泥公仔～毛筆、書簽。。。。
MAMI細個好鐘意買咖，所以儲起好多呢D
最後買左4隻細既泥公仔！
奇怪既豬米燑唔知點解會鐘意“關公”既呢？
祖B自己揀左隻小佛祖～HAHA
一去一回既長途車真係好辛苦
呼～好累呀！！！！

生日快樂呀，小花

我地全屋企連埋公公婆婆～
MONKEY姨一家，同埋阿YUI一齊出發
我地最愛既“小花”婆婆生日呀
唯有請假唔去學話劇同星期一都返唔到學
我諗小燑會暈車浪都會因為唔夠訓暈
有時因為架車本身焗～有時又有臭味都會
不過今日連坐火車都唔舒服！！！
MAMI抱住小燑行去一個少人既車箱先無事
訓左半個鐘起身先無想嘔同頭暈
真係見你全個面都青晒仲流好多汗！
安全到步都無真係嘔出黎！HAHA
然後我地去左酒店訓一陣就換衫去食飯

祖祖豬真係愈來愈坐唔定呀
極唔願意坐係到又喊話要走出去街
可能呢到太嘈啦，嚇親佢
小燑同波仔2個玩到全身都濕晒
呢個衰豬好耐都無試過跑得咁開心了
難得大家都咁開心既日子MAMI唔會鬧嘛
陪小花切蛋糕～影下相
最乖竟然係祖B，不停KISS太婆
唔怪得太婆話：祖B係全世界最可愛既BB
大家都話祖祖豬好醜樣，個樣又蠢
但唔知點解蠢得好好笑好可愛～HAHA
呢D都算係讚美吧？？？
好啦，祝太婆～長命二百歲～身體健康呀
仲有日日都要開心快樂，我地愛你呀

期待合唱團的表演

上左合唱團都1個幾月了
小燑真係好鐘意唱歌仔，每次返黎都口UP UP
而且佢個超級小FANS：細佬！都學得好快咖
每次聽家姐唱歌都真係拍爛手掌
好快都跟到家姐一齊做動作TIM
有一個家姐幫手教下佢係方便好多既
MAMI唱歌可能無咁好聽呢？！！
次次都唔理我既，係家姐唱先拍手
有時真係MAMI都要呷下醋呀！
今日換左新既制服喇：好可愛呢～
小燑都係著黃色衫好睇D～紅色粉紅色都唔得
可能因為你真係太黑蚊蚊呢，HAHA
落堂之後聽KAREN老師講就快有表演
原來你地7月份會有機會出去表演呀
YEAH，好期待去聽你們的演唱會

親子競技日@幼稚園

哈哈～好野，燑燑學校既運動會呀
一向都係比老師話行動好慢既小燑去比賽
呢個小小運動會唔係運動場舉行
只係係一個小小既體育館入面！
所以只係得幾個活動比小朋友參加同玩
每人一張參賽飛，有6個遊戲只可以玩4個
有3個都係第一名的話就可以換金牌一個啦
約左澄澄食完早餐先入場啦
全部小朋友一齊跳早操舞就開始玩遊戲喇
一心都諗住小燑平日都係習慣呆一呆先開始有反應
預左佢一定包尾～HAHA
搵到星星、梓悠同埋澄澄就一齊去玩LU
第一個比賽：要小燑跑來跑去傳3個波比MAMI！
原來只要呢個豬米燑鐘意都可以跑得好快
我地跑最快呢～第1呀，真係開心死呀
連老師都話：哇，燑燑好快WOO！
然後玩第2個係同MAMI一齊運球再釣魚
我地都唔差呀，第2名
之後都唔記得玩左D咩～大概都係咁上下
最後我地玩個個又比小燑跑第一呀！
MAMI著大鞋跑～小朋友要爬過一條隧道再跑
估唔到呢個女都有一顆熱心去比賽的
2個印仔雖然換唔到金牌，但MAMI都好開心了
之後就同埋同學仔一齊飲茶～再去梓悠屋企玩貓
祖祖B不知幾開心呀，見到貓仔仲抱到佢
成晚都聽到祖B係到喵喵叫，可以開心過頭嗎？

做做運動身體好

平日呢2個反斗豬都好懶洋洋咁既～
又唔係坐得定定，但又唔願活動下！
小燑行多步都話唔肯既，更何況跑步運動
但唔知點解2個都咁岩對同一首歌好有反應
會跟住一齊做體操咖，HAHA
所以而家每日都會開比佢地聽一次
祖祖B都開始識跟住做好多動作了
TOUCH YOUR HEAD，TOUCH YOUR TOE
BEND DOWN，JUMP HIGH，MARCH，RUN
。。。。。。其實都好多！
但最好笑係佢識得PUT ON YOUR HAT！
然後仲要TAKE IT OFF～～～
次次都拎起件衫係到著落個頭到
家姐就自己一個好比心機係到跟住做同唱
黎緊既炎炎夏日我地真係要多D運動先得
今年要去沙灘玩多D，健康多D呀
小燑成日都傷風感冒真係好慘
曬下太陽啦～

燒呀～燒呀～

真係好辛苦呢～MAMI又病左喇
次次小燑病左之後總會到我的？唉。。。
發燒開始唔退燒，為左安全再去睇醫生
連祖祖都燒埋一份LU～一齊燒呀～燒呀～
不過要先捱過呢個忙碌既早上
咁岩BAPA又要去“飲”，咁岩婆婆又去飲茶
太多咁岩既唔好彩MAMI就要燒住帶你地出去
因為豬米燑要返話劇嘛
可能食左幾日藥加上MAMI又病既關係
真係覺得你特別曳&唔聽話既？？
今堂“BB姐姐”同你地整一個膠袋公仔BB
DIY貼D眼鼻咀上去然後改個名比佢
小燑個BB叫做“BUN BUN”
唔知點解會諗到呢個名既呢？HAHA
BUN BUN BB係由小燑落堂介紹比MAMI識
之後細心睇下“BUN BUN”BB個咀係倒轉咖
倒轉左既咀即係唔係笑咀啦，係唔開心咀
行左出學校門口小燑就講喇：
“BUN BUN BB今日唔開心所以佢唔笑”
“BUN BUN BB仲會放屁”
MAMI知道了，呢幾日燑燑一定唔開心啦
所以連BB都一齊唔開心了～
SORRY呀，MAMI要多D關心你先得
再慘既係一落巴士仲吹走左BUN BUN呢～
睇見小燑個樣好嬲又想喊，好彩有人拯救BB
多謝路過既叔叔咁危險都幫我地追返佢返黎呀
然後夜晚MAMI再拎BUN BUN 出黎既時候都嚇左一跳
點解BUN BUN會變左笑咀既？？？？？
即刻叫小燑黎睇下，真係以為有咩奇事發生嘛
點知。。。。。小燑話：
“係呀，BB上車之後覺得好開心，咪倒返轉個咀囉”
哦。。。。。。。。原來係咁！！！！
都好，起碼小燑開心返少少
做2個小朋友MAMI真係唔容易呀
要分得到咁多時間出黎真係。。。難
哎呀，我會努力咖喇～

YELLOW TEE

合唱團有新制服呀
YELLOW TEE好可愛呢～
都係夏天好，唔洗帶咁多野出街
上一堂都想問下KAREN老師覺得燑燑點
點知太多家長排隊係到問了！
等得太耐老師又要趕住上下一個班
今日都想問咖，又係好多媽媽圍住老師！
點知我地走既路上遇見KAREN老師呢
第一時間問下小燑既進度如何啦
其實係想知佢合唔合群同有無出聲唱歌
老師話覺得小燑記性好好，每次都會記到D歌
而且仲記得D同學仔叫咩名咖！HAHA
都有跟到動作，不過好需要人地既FOCUS
返左咁多堂都好乖好聽話，除左今日！！
吓？？老師都覺得小燑今日好曳曳
老師話原諒你啦，知道你唔舒服又食左藥
之後老師話想知佢有無心機上堂
自己都可以問下佢堂上面做過D咩就OK
如果佢次次都話唔知呀～或者亂答既話
即係佢上堂係到夢遊囉。。。。
KAREN老師都幾惡咖，對住乖小朋友就好NICE
咁唔知小燑覺得老師惡定係NICE呢？哈哈哈

壽司糖糖DIY

小燑尋日開始病左無返學
食左D藥同真係太多鼻水所以休息多日
每次病左都好扭計既小燑今日都唔例外
祖祖又習慣左每朝都出去送家姐返學
唯有掉低小燑比婆婆睇住就帶細佬去行下
順便又要去學校拎功課然後MAMI都睇醫生
次次燑燑病都一定會到MAMI病
食定藥都好，橫掂個鼻痛左咁耐
MAMI成日都唔拾得去睇醫生咖，HAHA
當然呢個野蠻小姐就喊啦，又發嬲又唔開心
之後MAMI應承返黎屋企陪佢整壽司
梗係唔係真既壽司啦，係糖壽司
好，試下先～祖B都好似好有興趣WOO
開頭小燑無反應。。以為又係要佢食飯
聞到D糖開始飄黎好甜既香味就醒晒
呢個豬米燑真係超愛甜？？！！！
第一次整又要控制住個倒蛋阿祖
個樣係肉酸少少～不過味道係一樣的
YUMMY呀
呢盒野真係好勁～D蟹子好似真咖
咬落去竟然有“爆”開既JELLY
2個傻瓜以為係真既蟹子爭食
下次得閒再同BAPA一齊試整多次靚D既

脾氣王

愈大～愈大脾氣
真係比佢激死！！有邊個丫？祖祖囉
爭玩具既時候竟然打家姐個頭～
其實都唔係第一次，而家嚴重左
都係婆婆囉～寵到呢個祖B壞晒
覺得細細力玩下無所謂就笑一笑之後由佢
點算啦，開始話唔聽了
祖B仲一鬧就嘟起個咀，再鬧一聲就喊
之後四圍搵人幫手。。。
唉。。。睇黎要教返好你都需要D時間
同埋你都根本未知驚WOO
比你惡多一個星期！慢慢適應下
要等你試下比人罰、打手仔、、、
等你知道要識分大人嬲個時再教導下你
希望婆婆同公公可以合作啦
估唔到小燑惡，細佬仲惡
不過放心，MAMI嬲起上來超級惡咖
HAHA！！！！

MAMI一個人的時候

其實星期六真係好忙，特別多野做，HAHA
家務平日都可以做到既！只係時間唔夠
多數都拖下拖下又到左星期六囉。。。。。
無計啦，1﹣5得閒既時間唔多，又要接送返學
有時又要學下課外活動呢～
可惡既BAPA到而家都成日話MAMI悠悠自在？
大家有自己要忙既事，咁都係各有各忙囉
點解成日覺得MAMI係懶羊羊呀，HAHA
然後下午就陪小燑去合唱團喇
發現燑燑個新書包爛左喇，激氣～新買的
我諗用左2個星期啦，即係第5次用
只係星期六同日用一陣都咁快爛？？？
今日掉低左祖祖B比婆婆係屋企照顧
難得既1小時30分鐘既假期，好好珍惜
由學校快快行來回都30分鐘呀。。。真係腳軟
RELAX 還RELAX，都係一個人去買野比你地
哈哈，又成日望住個鐘驚遲左返去接小燑
1個鐘都打左2個電話問下祖祖點樣～自己都煩呀
不過都係因為第一次問左原來祖B醒左喊嘛
呢個衰仔知道MAMI出左去街實醒的！！
好彩婆婆話攪得你掂唔洗返揍埋你
然後買左D屋企用既什物～BAPA既野
最緊要係小燑個新書包
小燑一見到就好開心喇，知道MAMI咁錫你嘛
然後放學一齊買燒賣食散步返屋企
IT‘S SO SWEET AR

貼紙相

再黎一次MAMI單人匹馬帶你地坐車去上堂喇
早左好多起身準備，本來想試下坐巴士出去
點知行到出路口就送車尾呢
望下隻錶，下次預返早D出黎坐到呢班車
其實都好既～再試多次睇下小燑點先啦
一落車就知道又可以去搵“BB姐姐”玩
唔知呢個話劇到底教左D咩呢？？？？
上次就扮警察！今日好似話整石頭唔知做咩
落堂之後見到小燑成個呆左～咩事
有時真係好難明～點解突然變到BB咁
老師話著鞋～小燑就望住對鞋諗野
MAMI都叫左幾次快D著鞋走啦！！
完全無反應！！最後MAMI決定離開現場
出左門口等。。。。1分鐘之後出黎
明明自己識做的，又想人幫佢囉
嚇下小燑話下堂唔返喇～
即刻喊話一定要返話劇呀！！！！
扭完計之後乖返一定有獎勵的
我地去影貼紙相呀
都好耐無影。。。真係新到唔識用
估唔到祖祖B識對住鏡頭“E”開個咀笑
不過唔識望上面，2個傻豬係咁望自己個樣
可能以為照鏡啦？？
OH。。。。點解D相出黎我地3個都變左大眼仔既？
HAHA～BAPA嬲我地唔同埋佢影呀！！！

與星星小聚

好耐都無去過星星屋企玩喇！
應該係上年聖誕既事了，今日去探下星星先
有時諗下唔知燑燑大個左仲會記得呢位朋友嗎？
MAMI既幼稚園朋友真係一個都唔記得～
連相都無張！所以小時候既野真係一遍空白
所以MAMI想幫小燑同祖祖記底一D回憶
呢到記既都係快樂既事、物！
咁梗係唔係因為你地每日都好開心啦
曳起上黎MAMI都鬧咖，仲會打你PAT PAT
呢D衰野唔想等你大個左問返我呀，HAHA
講返我地今日既野先啦。。。。。
帶埋祖祖B接左小燑放學就出發喇
星星媽咪好好咁幫我地準備左一大疊車飛
可惜每次都無機會用到啦！太多行李了
又2個小朋友又一大袋什物、書包！
終於都係要TAXI先幫到我～
一去到就食粥先，星星媽咪煲咖，YUMMY
豬米燑去到人地到真係食得特別多
唔通真係隔離飯香？？？？？？
預左祖豬唔會食。。。因為佢係一個“飯桶”
除左飯。。。其他野都唔會放入口的
人地既玩具又係寧舍好玩D啦，電視又好睇D
總知咩都係新奇D～靚D～好玩D
認真對比下，星星玩玩具真係有心機好多
小燑一唔係MAMI陪就會唔玩咖喇～點解呢？？
食飽玩一陣就去公園喇！個個都好開心呀
星星細佬同祖B係同年的，1個年頭，一個年尾
如果第時一齊讀書就係同學～哈哈
玩既時候好開心呀，但走既時候扭眼訓
2個都係到大吵大鬧～嘈死人呀
所以同小朋友玩真係要睇下時間
遲左1個鐘訓都攪成咁？？？？
真係怕左同你地去街呢。。。
睡公主﹠睡王子