驚心動魄的晚上

一直擔心既事終於都發生了
每個小朋友都有曳既時候，在所難免會有捐傷
做MAMI既唔想太保護你地既同時又要默默守護住
睇戲成日都會見到D阿爸阿媽攬住個仔跑去睇醫生
呢個經典畫面竟然出現係我既片段入面～
我既小燑跌親呀～MAMI心痛死了
『砰』一聲之後只聽到小燑既喊聲。。。
9秒9去著衫，一邊叫婆婆幫手搵銀包，著鞋
大家眼淚不停咁流～安慰住小燑既MAMI心如刀割
1分鐘之後好堅強既小燑無喊了！
MAMI抱住你一邊傾計，一邊跑住搵的士。。。。
一向見血就暈喇，所以MAMI真係腳都軟埋咁走
好深既傷口，上排牙咬爆左下唇、下唇外面都撞穿
上排牙肉都爆開左，總知超多血一齊流
去到醫院MAMI真係成個膊頭同手都係血
小燑話：我唔想睇醫生呀MAMI～
心痛得真係要死呀，好難過好難過
婆婆安置好祖B之後都趕到黎醫院
然後MAMI將小燑交比婆婆走左出去門口大喊左一陣
係咪好無用呀？？？但真係好擔心嘛
來來回回係等既途中去左私家醫生都問。。。
因太細唔可以係診所縫針。。。聽到心都寒了
好難想像有幾痛。。。但小燑都等到訓著左覺
到醫院醫生檢查既時候都無醒
真係謝天謝地，醫生話可以考慮唔縫針
呢一刻真係開心過中六合彩！！！！！！！！！
上一次細佬跌到個頭既時候MAMI都已經差D嚇暈
唉。。。。。今次輪到家姐仲要加咁多血？！！
天呀，真係唔好再嚇我啦。。。。。
返到屋企祖豬仲未訓，係到等家姐～真係抵錫
真係有陰影呢。。。。。。。。。。

你地老媽子生日呀

真係生日～生日快樂呀～HAHA

超忙既一天囉，先陪祖祖上堂
再趕去同小燑食晏之後畫畫
然後再返屋企同你地沖涼訓一陣
然後MAMI煮定飯比公公婆婆食
我地今日要掉低佢地出去4個人食個飯先
行到一半，小燑突然停左係到話想買波波
後尾比呢個奸B諗到一個好WORK既方法
燑：MAMI，我想送一個波比你呀
媽：好呀，你有帶錢咩？？
燑：BAPA，你比D錢我買波送比MAMI生日丫
爸：咁乖？！好呀，咁你買啦

最清楚MAMI既人真係你呀
鐘意咩色、咩公仔、咩圖案，你都知道

真係好感動呀，呢個波MAMI超級勁鐘意
而家學左你講野呀『超級勁』

寶貝女呀，I LOVE YOU SO MUCH！！！

係附近食個溫馨既DINNER先
呢個湯家姐仔話超級勁YUMMY！飲晒一碗
祖祖話“好難飲”。。。到底點呀？！

其實你地食野真係完全相反
家姐食爛飯、甜品﹣細佬食硬飯、肉
唯一2個都唔食既就係：粥。。。。HAHA

近排笑得好假既小燑。。。好勉強姐

坐唔定既祖豬，又喊喇，今次係比BAPA蝦
無啦啦“MEET”你塊面都有咖！！！可惡
呢個飯我地食左好耐好耐呀
祖祖真係再無耐性繼續了，本來想去食糖水都係算吧！
拿拿聲返屋企切蛋糕先！2個都好眼訓了
因為MAMI好想睇下你地見到個蛋糕有幾開心嘛

隻公仔雖然唔你好靚，但都幾可愛丫
每人一隻唔洗爭，家姐鐘意“BABABA”細佬鐘意“WOOW”

個蛋糕係BAPA帶MAMI去買咖！

好少影我地一家4口既相。。。。。

加埋公公，仲有特登返黎陪MAMI切蛋糕既阿YUI

呢個蛋糕吹左5次蠟燭MAMI先許到願囉
每次一點著就比祖B同小燑吹熄左先

好啦，比個KISS黎都得掛
洗咩嬲姐。。。。。車。。。。

唱左4次生日歌，超級勁開心呀
仲有多謝BAPA既生日禮物啦
小燑話：銀包係我話比BAPA知MAMI鐘意咩咖
HEHE，十金

PRE﹣BDAY LUNCH WITH 肥DO媽

生日點都應該開心的，而且有2個小寶貝一齊
唔經唔覺MAMI都就快32了。。。哇，真係快
陪小燑豬上完堂我地就去搵肥DO食LUNCH
其實DO媽已經唔係肥DO喇，唔知點解小燑仲叫呢？
HAHA。。。行左15分鐘MAMI住身都濕晒
好開心又好簡單咁食左個生日飯
我地大人係到傾計晚時候，小燑好似好悶咁
直到夜晚返到屋企小燑先講：MAMI你唔理我既！
本身MAMI諗住比多D空間你等你玩下、開心下
點知。。反而你會覺得MAMI唔拖住你？唔陪你？

正一傻瓜。。。。點會有可能唔愛你呢？？
見少你一陣都會好掛住你啦，HAHA

生日快樂？！！有你地就真係每日快樂吧～
有時。。都有嬲既時候，有苦既時候
當然最多既係“SWEET”啦，HAHA

為食貓。。。。一見到咁大杯雪糕笑到傻左
邊個？？1，2！兩個都係囉

估都估到啦，食得最後既實係小燑B
祖祖都唔太愛食咁甜又凍既野

一齊食野真係特別開心咖，食都食得多D
連一向唔多食野既肥DO都幫手食左勁多雪糕呀

豬米燑一落地個陣MAMI發現佢個肚腩超大個
食都唔識停啦。。。之後飲左好多水
可能甜過頭，我地今日都唔係幾食得落野。。
呢頭食到我地3個肚都脹埋
接住再約BAPA去搵太婆飲茶。。。SO FULL～
。。。。SUPER FUN TODAY！

小祖祖INTERVIEW＠珈琳

等到頸都長，我阿祖都要準備讀書了～
MAMI晨咁早就醒左，又係咁
為左你地2個經常都失眠既？HAHA
BAPA同家姐都一齊去幫你打氣
約左10點，食個早餐RELAX一下先啦
好彩因為日日都會送家姐返學既關係
對呢到既環境一D都唔陌生～起碼無喊

不過一入到去課室祖祖就怕羞症發作
好彩既係有同老師講『早。。晨。。』仲自己拉椅坐
老師問：呢個係你邊個呀？
祖：MAMI，MAMI
老師：我地玩好唔好呀？
祖：玩呀
老師：比張CARD你睇下係咩黎？
祖：CAR，唔要CAR
老師：咁呢隻呢？
祖：我要糖
＠＠唉。。。之後一路都唔合作了
連CAT、DOG、、、呢D都答：我唔要呀！我要糖
最後老師叫拖手出去，都OK！肯拖住行
等通知，好緊張呀。。仲要等到10月尾

緊張完一朝，約左MINI媽食LUNCH
係幫MAMI提早慶祝生日咖

祖祖B而家就唔怕羞囉。。仲玩到鬼咁開心
四圍叫人，又不停口UPUP講野
唉。。。激死我呀

寶貝女～好可愛呀～

點解又開學？！

星期一返左一日學之後無啦啦又放左2日假
所以小燑又以為自己唔洗返學囉
今日就問點解之前開完學又開學呀？？
哈哈，唔係開學呀，今日係返學咋嘛
超級興奮因為有新鞋著，對鞋小燑自己擦咖
佢話要日日放學都擦下對鞋先會白雪雪
對比返之前個對鞋，大左2個SIZE呀
上年個對真係著唔落了～好開心呀
我個小燑豬大個女左呢！！YEAH

婆婆今日開始去左返工呀
由MAMI一個人揍住你地2個真係行開一步都唔得
放左學之後入廚房煮麵姐。。。。
豬米燑就大叫：MAMI，阿祖呀阿祖呀
一出黎就聽到祖祖話：MAMI，HAT！HAT呀
。。。。真係比你地玩死。。。
比阿YUI知道你拎左佢檯燈個蓋黎玩就打PAT PAT
仲係話自己無同學。。。返學好悶。。。咩都話唔知道
唉。。你加油呀小燑B～

小燑豬開學，K2B喇！！

又到左MAMI緊張既時刻，尋晚梗係失眠啦
6點醒一下，7點又醒～7點半！起身準備下先
第一日返學唔好遲到嘛，HAHA
小燑換好衫就問點解要返學既？！下。。開學喇
我地學校真係早放暑假所以早開學
公公婆婆同MAMI都袋左封利是係小燑書包
雖然老土D但都係一番心意嘛，HAHA
一入到學校上樓梯，去到2樓小燑仲繼續上左去
升左K2我地轉左班房呀傻豬。。。。
以前係3樓一入去第一間課室～SO？！
去到2樓第一時間又係轉左入第一間課室！
家長第一日可以送小朋友去到課室睇下環境
UMM～唔好話呀，連MAMI都有D唔習慣呀
班主任今年得2個～張老師同呂老師
講左2句之後老師就叫MAMI就走LU。。。
放學第一時間就問下小燑點先
媽：有無新朋友呀？？
燑：無人咖呢到。。。
媽：。。。下。。點會咖？老師呢？
燑：唔知呀。。。
媽：你茶點食咩呀？？開心嗎？
燑：食提子包。。開心既～不過無人囉
媽：小燑係咩組呀？
燑：我係粟米組，仲有西瓜同提子組
媽：哦，幾得意呀你係粟米組
～好似都OK既。。不過呢個怕羞豬唔敢識新朋友囉
慢慢啦，會習慣咖啦～加油加油

小燑今日放學之後特別掛住細佬啊
成日都攬住細佬豬玩

可能成個暑假都一齊啦～返左學耐唔見嘛

特別掛住D既。。。。

就連我地接放學之後小燑都問：
點解細佬你仲唔叫家姐既？你唔愛我咩？

HAHA。。細佬今日拎住家姐條裙要著WOO
仲話自己好靚＠＠真係激死

你係男仔黎咖～～～傻瓜

羊羊得意@沙田

再接再厲～影下相、食下野先
今次無人陪我地，BAPA又唔得閒～3個人出發
見到人影到“羊”WOO，我地又點可以錯過？
MAMI對羊真係情有獨鐘的，可能同類吧

幾經辛苦終於去到啦！！YEAH，好可愛呀

祖B仲係到呆緊，岩岩訓醒嘛～WARM UP下

特別開心既小燑～笑都笑得靚D啦

好合作呀，不過MAMI無帶相機。。。。
下次去影相都係用相機影好D！

1，2，3～點解D羊會企係D羊上面既？

祖祖同家姐都好鐘意呢隻DOG DOG

HELLO～MAMI！我倒轉影丫～

好彩你唔係好重姐，坐住人地條尾既！

NUMBER 1呀～祖B大個仔會拎幾多個第一呢？

咁小燑呢？？？你地要加油呀～HAHA

大個女喇，仲識話幫MAMI影返一張
仲指定要MAMI豬咀，HAHA～

笑多D咪好囉～

開始識笑下啦，呆左咁耐既細佬

一話走就又嬲呢？？咁玩多陣先走囉

行到MAMI腳軟呀。。。食D野先
1個人帶住2個小朋友好難去到美食廣場食野
最後行左好耐都唯有走。。。

呢到D野麻麻地好味。。。

1個LUNCH加蝦片～我地3個都食唔晒

帶返屋企食。。。MAMI太攰都唔想食野
不過，真係好開心呀～
玩埋今日就好好準備星期一返學啦