婆婆又回來啦：）

離家工作既婆婆又放假回家了又係小燑做曳豬既日子了
未接婆婆之前要學畫畫先......
尋晚1點鐘都未訓既小燑，今朝無黎精神咁起身上堂
一出門口咋，就坐係樓下梯級話好攰行唔到啦
連最愛既“公仔麵”都食唔落？仲差D遲到呀～
今日IVY 老師教畫﹣﹣﹣FISH！你最鐘意啦

睇見你都好比心機油，老師仲比左2張貼紙你呀
開心到你個豬樣，跑出黎SHOW 比我睇！哈哈
見你咁乖，一齊去冒險樂園玩返個ROUND 啦
其實係阿YUI E 上次獎你既COUPON 仲有LAST 一張
玩完又帶你行玩具鋪一個大圈，小燑開始知道”睇“玩具係唔一定要買的
每次見到鐘意既玩具玩完都會放底。叫MAMI 等你乖就買!

終於都見到婆婆了，突然比人抱起既開頭3分鐘你都呆左
上左MINI BUS 你就知道啦。。OH...婆婆你返完工喇？？
由呢一刻開始MAMI 就知道你會倒蛋啦!
約埋BAPA 飲茶，之後就返屋企了
嘿嘿....真係有人撐你就好得戚啦

飯唔食，水唔飲!沖涼都要喊？？？唉...小朋友嘛！比時間你放肆下
不過都唔可以太OVER咖!MAMI 講STOP 你仲會聽，算你乖乖啦
我對小燑太嚴謹嗎？？NONONO～MAMI 只想你知道要守規則啦
早左開始可以慢慢比時間大家嘛，遲左就好難教返轉頭了
BB！！大家一齊努力啦

26MONTHS的小燑豬

話都無咁快，我們的小燑26個月大了
望住呢隻小人仔而家會四圍走，實在老懷安慰。哈哈
我們都改變了很多，當然最大改變應該係小燑啦
MAMI 為了你既一日3餐忙過不停～陪你讀書畫畫
BAPA 想我地一屋人生活得更舒服去努力賺錢
小燑BB都長大了你而家係小朋友嘛
以前你成日問：點解既？點解咁既？
現在到你教返我地轉頭了，HAHA！

“MAMI你訓覺唔蓋被？會凍死咖，會感冒咖！”
“公公你食飯可以周圍行咩？睇TV會盲咖嘛！”
“點解個哥哥係馬路RUNNING 咖，會整到流血咖!”
“BAPA！你又打機啦，我話比MAMI 知喇！”
......."MAMI你乖D等我COOKING 比你食喇“
”MAMI 你錫返我啦，燑燑整到腳呀!“...  “MAMI我要訓一陣喇!”
”BAPA 你抱我啦，我好攰哦“......”公公你跟住我上去丫！”
原來不知不覺小燑都識咁多野嗎？？？
就算平時你幾百厭、有D時候又會駁咀、又會扭計～
但總括黎講你都係一個乖小朋友....
還要多得你照顧呢個咩都驚既MAMI

MY 小燑，我地要一齊努力呀

燑燑帶我地去飲茶日

星期6小燑多數都會同MAMI ﹠BAPA去食早餐呢：）
出門口之前問小燑B想食咩呢？？﹣﹣想食燒賣同茶葉蛋
行到出去商場你突然反口，去左排隊？﹣﹣﹣﹣飲茶
難得你話想食，好啦～就一齊飲茶啦!BAPA 最愛....
小燑自己畫點心紙呀，叻女叫左一碟春卷
今日你食左2隻鳳爪、又食一個包、牛肉腸
連呢到特製既“超級長春卷”都食埋

食飽就陪BAPA 去買波鞋了
ORANGE 一對，GREEN 一對！好COLOURFUL 呀
老土BAPA 好似第一次買有顏色既鞋，哈哈
小燑又見到有書展既然你鐘意睇書都係好事
係到又唱又跳，HAHA～買2隻CD 比你聽啦!
仲教EE點唱DUCK DUCK 歌...又話自己識唱B﹣I﹣N﹣G﹣O。
3分鐘熱度既豬米燑一返屋企即刻要開黎聽了

MAMI 為左要申請食壽司既VIP CARD，今晚又要偷懶唔煮飯
YEAH。。。。去食‘元氣’ 壽司啦
苦等了差不多2小時.......MAMI 真係人生第一次咁有耐性呀
行書局、日本城、買ICE﹣CREAM、發下夢...。。。。。
由“18”號飛終於等到“101”小燑都大叫好肚餓呀
一坐底就吞左幾塊“酸薑”？？估唔到BB都愛食呢D野
你真係餓WOO，食左好多飯最愛既蟹籽波波飯同燒3文魚。
公公同MAMI ﹠ BAPA 都飽了，你仲自己叫多件“筋子壽司”？？？
哇....MAMI 真係接受唔到呢種鮮味，小燑話YUMMY FOOD
公公聽到你叫佢試下就走左喇，HAHA
MAMI 勉強食左一粒.....YIYA。。。。想嘔
小燑真奇怪呢

放生TURTLE ＠南生圍

TURTLE TURTLE，你要小心照顧自己呀
MONKEY 阿E話TURTLE 要放返去大自然既地方先會好!
我地一齊去將TURTLE 放係南生圍既小橋旁邊....
小燑應該未知道咩叫放生吧？？！！
到左聽日應該又會再叫BAPA 陪你餵TURTLE 食“粒粒”...
希望小TURTLE 你會一路健康長大啦
小燑第一次坐木船仔，MAMI 都有D驚呀
唔洗一分鐘就要落船了，哈哈!!

南生圍～MAMI 都只係同BAPA 去過一次咋
就係我地影結婚相既時候，小燑仲住係MAMI個TUMMY 入面呢
其實呢到都無咩特別～但閒時散散步，很舒服呢
一大遍既草地，可能秋天既關係，都枯了。

 

問豬米燑呢到靚唔靚呀？原來你覺得無FLOWER 所以唔靚
毫無準備就行左入黎，又累又餓仲比好多蚊咬呀
唯有係士多食返杯ICE CREAM 再回家...
雖然好近屋企，但都要坐MINI BUS 返去先得
傻豬燑一上車就訓左喇，用晒你既精力嗎？HAHA
奇怪，公公同BAPA 今晚都唔陪我地食飯？難得..我同BB去2人世界
行一陣街，傻瓜燑買左個RAINBOW 同THE SUN 扣係鞋到

小朋友既心真係天真易滿足，一路行， 一路就話好靚
仲唱THANK YOU MAMI歌比我聽！MAMI 都好愛你呀
基本上我地每日都2人世界既! 但係第一次同小燑出去食晚飯囉～
呵呵，我地今晚就据扒啦

一坐底小燑就叫碗麵比自己喇，仲問點解煮咁耐！好餓嗎？
好想小燑快D大個，帶MAMI 去食飯
有時好唔捨得你長大，但有時候又好想你快快變大個女
唔知道....小燑大個左仲會一樣咁愛“纏”住MAMI 嗎？？

小拖鞋＠DRAWING CLASS

今日老師教畫﹣﹣﹣拖鞋

丫.....今日小燑落堂就話：老師無比貼紙我呀

然後小燑要姐姐陪你問下點解今次無貼紙

原來你偷懶，哈哈

老師話你無油晒D顏色呀!叫你下一次再努力D呀
有進步喇小燑呢2日上堂都無問題呢
其實小朋友都係要TUM 多DD，愛多DD既
MAMI 都一樣咖，有時都會扭小燑錫下我
又有時候要小燑講一句“我好愛MAMI 咖”
近日MAMI 額頭生大粒大毒倉，HAHA
每晚小燑都會問我痛唔痛，要唔要搽藥膏呀？
聽到我話手抽筋又會自己幫我按摩，好WARM 呀
岩喇～關心身邊既人嘛，BB燑你要記得呀！！

等埋BAPA 食LUNCH～
但之後BAPA 就要返工LU....
然後我地同RITA EE ﹠ TUNG BB行街
MAMI 今日好乖呀，無亂買野
不過就買唔到波鞋比小燑囉

7TH PLAYGROUP＠太陽村

好耐都無同波仔一齊上堂了我地成日都打交，哈哈
又係一望到老師第一眼就喊？？傻左!！！
開始入課室又好開心呀自己除鞋，上堂LU
過左30分鐘都唔夠，MAMI 突然係出面聽到小朋友喊
OHOH～原來係波仔發脾氣呀？？小燑幫手安慰左一陣又掛住玩
無停地大叫左20MINS，就見到波仔比老師帶左出黎了
上唔到堂姨丈就接走左波仔囉！小燑就好乖乖WOO
MAMI 係窗到偷偷睇住你呀，好比心機跳舞，又跟住老師拍手
終於你再次肯聽話喇
自動同老師講GOODBYE 再加一個KISS 呢
放學之後約左表舅父同好耐無見的表E，還有小燑的二表弟
第一次見面呀，大頭蝦MAMI 無幫我地影張合照
食飽飽之舅父帶豬米燑去釣FISH，然後MAMI 去街市
買左小燑最愛既﹣﹣﹣﹣䱽魚
果然晚餐半碗飯都食晒乖乖呀
豬米燑呢2日到左夜晚就會有少少發燒，咩事呢？
仲係訓之前叫MAMI 幫佢用棉花捧“了”耳？？
又要按摩腳，按完腳又話手痛
丫，小朋友！！你都幾多要求呢
係床滾來滾去，行開一步都問MAMI 係咪唔陪你訓
病BB真係特別怕寂寞嗎？
放心啦，MAMI 點會掉低你呢！快D好返啦！

愛心賣物會遊@荃灣

帶住興奮既小燑，出發去玩了：）
一年一次的明愛賣物會，好懷念呢!！
MAMI的小時候公公都成日陪我去咖，我地仲會買好多玩具走
諗返都已經係十幾廿年前既事了，哈哈
遠遠望到有跳彈床小燑就大叫喇～
好多人呀，大家都為左做善事，又開心，又可以幫到人
小燑話“捐錢”係買玩具HAHA， 傻瓜！
呢到賣既野好多都係舊的～不過小朋友都好開心啦
由4點幾行到收檔，買左好多野WOO
有書啦，顏色筆啦，XMAS 既裝飾.....每樣都係5蚊咋
玩到累既小燑終於都要小睡一陣先

  

   

之後再JOIN 埋UNCLE BUTTER 同姐姐就去行TOYSRUS了
豬米燑真係做左姐姐咁WOO，竟然話唔買玩具？？
仲話要自己買一個送比細佬？？乖乖啦
NON﹣STOP 地行左差不多4個鐘～超級累
再繼續﹣﹣﹣﹣BAPA 帶我地去飲喜酒呀
出奇地小燑食左好多野～由頭食到尾
PIG PIG 豬薯片？？BB燑以為乳豬係薯片

可能開心既關係嗎？有好多小朋友一齊玩，一齊食
HAVING FUN TODAY
沖完涼之後小燑又叫MAMI 陪你傾計了
BB你想傾咩呀？OH，原來你今日想講MAMI！OK﹣﹣
小燑問MAMI：開唔開心呀今日？
YES，SURE！ 因為見到你玩得好快樂嘛
﹣﹣MAMI，咁聽日我地做咩好呀？？
BB你想呢？？
不如我地聽日去跳舞同唱歌啦
NO PROBLEM ！ SWEET DREAM BABY