2nd 週年日

2年了~快樂既時刻真係過得輕鬆!!!
其實都唔容易咖,因為要照顧一個小BB~
今日係BAPA & MAMI結婚既2週年紀念呀~
2009年我地決定生小燑所以開始一齊生活
今日小燑已經1歲半了~真係眨下眼咁快呢.......
一生人之中,最快樂就係得到呢一個FAMILY了!
當然我地會鬧交?!!仲會嬲到要咬你BAPA!哈哈
會唔開心...但每次見到BB燑就會將所有唔開心既野都忘記的..
謝謝豬米燑^^
尋晚返屋企,豬米燑竟然係個洗衣籃入面玩...@@

你真係曳到不得了呢~~仲叫我推你行.....
每晚都期待小燑唱既新歌仔~
尋晚突然你會唱ABC"S 了!!!好好笑~
唔通因為MAMI大肚既時候仲成日去唱歌所以感染左你?
哈哈~希望你大個唱歌好似MAMI咁好聽啦。

丫~~我地決定復活節會帶小燑一齊去長洲玩,
到時可以去沙灘、又可以BBQ、仲有踩單車呀!!
諗起都興奮呢!!!!!!!!!我要買個行李箱....HEHE~
除左返大陸之外...今次小燑第一次去旅行呀!
由最近既地方開始!...........希望可以同小燑環遊世界啦